Diyarname
Kelevanê navdar ê Bayern Munih û Tîma Neteweyî ya Almanyayê Oliver Kahn duh jubileya xwe kir û xatir xwest.

Kelevanê navdar Oliver Kahn duh jubîleya xwe kir. Ji bo jûbîleya Kahn Tîma Neteweyî ya Almanyayê û Bayern Munih hatin hemberî hev.

Kahn digel lîstikvanî, pirtûkan jî dinivise. Biyografiya wî ya bi navê "Nimreya Yekem" di sala 2004'an de hate weşandin. Wî wekî duyemîn biyografiya xwe jî bi navê "Ez: Serketin ji dil tê" nivîsand, pirtûk îsal li Almanyayê hat weşandin û pirtûk li Almanyayê di nav pirtûkên ku herî zêde tên firotin de cih girt.

Oliver Kahn ku di 6 saliya xwe de di nav tîma biçûkan a Karlsruhe de derket sehayê niha 39 salî ye. Bavê wî lepikek kelevanan diyarî wî kir û bi xêra vê bû kelevan.

Khan ku li dinyayê wekî kelevanên navdar tê dîtin yekem car di 18 saliya xwe de keleha Karlsruhe ku di lîga yekem a Almanyayê de dilîze parast. Li ser jîrbûna wî di sala 1994'an de Bayer Munihê bi buhayeke rekorî ew bi 5 mîlyon markî (nêzî 2 mîlyon û 300 hezar euro) transfer kir.
Oliver Kahn di sala 2002'yan de kelevan û futbolkarê herî serketî yê Şampiyonaya Futbolê ya Dinyayê hat hilbijartin.
Ew di navbera salên 1994-2002'yan de 6 caran li Almanyayê wekî Kelevanê Salê hat hilbijartin.
Di sala 1999'an de jî yekemîn car hem li Ewropayê hem jî li dinyayê kelevanê herî serketî hat hilbijartin.