Diyarname

Li Meclisa Tirkiyeyê civîna Komîsyona Plan û Butçeyê hebû. Navê 12'yemîn Plana Pêşketinê lê kirine. Di komîsyonê de Cigirê Serokomarê Tirkiyeyê Cevdet Yilmaz gotina xurtkirina rêveberiyên herêmî anî ziman. 

Wekîlê Koma HEDEP'ê Saruhan Oluç li ser gotina "Di biryargirtina şaredariyan de dê rola hemwelatî û moxtaran jî hebe" sekinî û meseleya kayûman bibîra Yilmaz xist. Oluç wisa got; "Birêz Yilmaz ez ji te re dibêjjim el însaf. Ma vê desthilatdariyê bi kayûman dest dananiye ser vîna azad a hemwelatiyan, ma ne ev desthilatdar e ku vîna gel nas nake? Niha çawa dibe ji nişke ve van tîne ziman?"

Oluç li ser gotina "Jin, ciwan, pîr û astengbar jî dê di rêveberiyên herêmî de bêne temsîlkirin û di biryaran de xwedî gotin bin, bi vî awayî dê rêveberiya herêmî xurtir bibe" jî sekinî û got, "Baş e, pir baş e, komên ciwan û jinan ên me kayûman qedexe kirin, astengî danî ber wan û niha ev desthilatdarî qala temsîlkirina jin û ciwanan di şaredariyan de dike. Di sala 2024'an de hilbijartin heye. Di kêliya ku em ber bi vê hilbijartinê diçin de ev desthilatdarî dê bêje 'emê kayûman bidomînin' yan dê bêje 'emê hurmet nîşanî vîna gel bikin'? Em dixwazin bersiva vê pirsê hîn bibin."

Cîgirê Serokomar Yilmaz ku ew bi xwe jî kurd e bersiva pirsa Oluç neda.

Di komîsyonê de muxaletefê gelek xalên din rexne dikin. 30'ê mehê li Meclisê dê nîqaşa li ser butçeyê bê kirin.