Diyarname

Îro di serî de li Stenbolê, li gelek bajaran operasyoneke polîsan li hemberî çapemenî û alîgirên Cemaeta Gulen li dar ket. Polîsan Gerînendeyê Weşanê yê Zamanê Ekrem Dumanli jî têde bi ser 30 kesî re girtin bin çavan.

Kesek ku di Twitterê de navê "Fuat Avni" bikar tîne çend roj berê ragihandibû ku dê 150 rojnameger bêne binçavkirin. Wî gotibû ku rojên 14-15'ê mehê dê operasyon li dar bikeve. Ew operasyon îro li dar ket. Di serî de Stenbol, li 13 bajaran polîsan bi ser saziyên Cemaeta Gulen de girt. Sazkarê rêzefîlmên "Sungurlar" û "Tek Turkiye" Salih Asan hat binçavkirin. Serokê Koma Weşanên Samanyolu Hidayet Karaca li ser biryarê çû emniyetê û îfade dide polîsan. Gerînendeyê Weşanê yê Zamanê Ekrem Dumanli li ser bihîstina biryara binçavkirinê ji bo çapemenî ragihand ku polîs dixwazin bila werin rojnameyê wî bigirin bin çavan. Polîs çûn navenda rojnameyê û ew girtin. Karaca got: "Ev dîmenek e ku Tirkiye jê şerm bike."

Li gor ragihandina Ajansa Anadolu 32 kes hatine binçavkirin.

Cîgirê Serokwezîrê Tirkiyeyê Numan Kurtuluş li ser operasyonê wisa got: "Emê encama tiştên ku têne kirin bibînin." Wezîrê Tenduristiyê Mehmet Muezzinoglu jî got: "Yên ku şaşiyan bikin dê berdêla wê bidin."

Serokê Giştî yê CHP'ê Kemal Kiliçdaroglu wisa got: "Ev pêvajoya ku li dar dieve pêvajoya derbeyê ye."

Ajansa nûçeyan a navneteweyî Reuters bûyer bi qoda "Lezgin" ragihand

Ji mebûsên nêzî cemaetê Hakan Şukur, Îdrîs Bal, Îdrîs Naîm Şahîn çûn avahiya rojnameya Zamanê ya li Yenibosyaya Stenbolê.

Fuat Avni ji twitterê wisa gotibû, "Hikumet mecbûr mabû operasyonê bi paş ve bixe. Niha lîsteya kesên di operasyonê de bêne binçavkirin nû kirin û teslîmê Beşir Atalay kirin. Operasyon dê 14-15'ê mehê dest pê bike û heta 25'ê mehê dê bidome."

Xwendecanên rojnameya Zamanê û alîgirên Cemaetê li ber avahiyan Zamanê hatin ba hev û pantarkên "Zaman Huş Nabe", "Çapemeniya azad bêdeng nabe".