HEMÛ RÊVEBERÊN HEDEP'Ê

- Kongreya navê nû HEDEP'ê bi dawî bû. Di kongreya Yeşîl Sol Partî de partiyê navê xwe kir HEDEP û du mebûs Tuncer Bakirhan û Tulay Hatimogullari Oruç jî ji bo Hevserokatî hatin hilbijartin. Kongre bi hilbijartinê bi dawî bû.

Di kongreyê de 80 kes ji bo endamtiya Meclisa Partiyê ya HEDEP'ê hatin hilbijartin. Va ye lîste:  Aysel Batyar Onsel, Bahattin Karaman, Hulya Kavuk, Ozturk Turkdogan, Berdan Ozturk, Îbrahim Akin, Perihan Pakize Sinemillioglu, Berkat Kar, Îdil Ugurlu, Recep Demirci, Beybun Aslan, Îlknur Birol, Sami Evren, Beyza Zeyno Bayramoglu, Kemal Bulbul, Selçuk Odabaşi, Burcugul Çubuk, Kerem Firtina, Selda İlgoz Kocayigit, Bulent Uyguner, Livan Orman, Sema Koç, Cabbar Leygara, Lutfu Kaya, Semiha Şahin, Canan Çalagan, Mahfuz Guleryuz, Semra Kiratli, Canan Kebenç Ozkan, Mediha Yuksel, Senem Eriş, Cemile Turhalli Balsak, Mehmed Ali Yavuz, Serhat Eren, Derya Arslan, Mehmet Bozgeyik, Servin Kararkoç, Diyadin Firat, Mehmet Ruştu Tiryaki, Several Ballikaya Çelik, Ebru Gunay, Mehmet Saltoglu, Sevtap Akdag Karahali, Edanur İbrahimoglu, Melis Emine Tantan, Sezai Temelli, Elif Bulut, Metin Kiliç, Sinem Seven, Emirali Turkmen, Muhammed Ayten, Şakire Şeyda Ataş, Ender Îmrek, Murat Gokdag, Tayip Temel, Evgil Turker, Murad Mihçi, Tulay Korkutan, Fatma Çelik, Musa Piroglu, Umut Vedat Açar, Fatma Koçyigit Oner, Naciye Îskender, Umit Kuçukbayatlili, Funda Buyruk, Nevroz Şanli, Unal Yusufoglu, Haci Erdemir, Nuray Ozdogan, Vedat Çinar Altan, Halime Bayram, Onur Hamzaoglu, Vezir Coşkun Parlak, Hatice Betul Çelebi, Omer Gorunmek, Yuksel Mutlu, Hatice Dogan, Hulya Ateş, Ozlem Gunduz, Ozcan Teker.

Endamê Lijneya Dîsîplînê ya Navendî jî ji van kesan çêbû: Cumhur Ege, Garip Kandemir, Zeynep Nilgun Salmaner, Emine Akyazili, Huseyin Gozen, Eylem Arzu Kayaoglu, Tulay Kilinç.

Lijneya Lihevkirinê ya Esil jî ji van kesak pêk hat: Aylin Hacaloglu, Ayşe Erdem, Nevzat Onuk, Ayşe Elif Ela Hasanoglu, Mehmet Salih Yildiz.

PEYAMÊN GIRTIYAN 

- Siyasetmedarên girtî Selahattin Demirtaş, Selçuk Mizrakli, Figen Yuksekdag, Gultan Kişanak peyamên pîrozbazî û serketinê bo kongreyê şandin.  

BAKIRHAN: BILA STATUYA ROJAVA BÊ NASÎN 

- Berendamê Hevserokatiya HEDEP'ê Tuncer Bakirhan bi kurdî axaftina xwe kir. Got heviyên Şêx Seîd û Seîd Riza, merheba Efrîn, Ûrmiye, merheba rêhevalên Mehmet Sincar, Orhan Dogan,   Denîz Poyraz û bi destûra we merhebayeke jî ji bo cihê ez jê bûme mebûs ji Sêrtê û Botanê re bişînim.
Bakirhan li ser Rojava jî sekinî û got, "Rojava ji aliyê Tirkiyeyê ve tê bombekirin, bê av û elektrîk tê hiştin. Rojava li hemberî zehmetiyan li ser lingan disekine. Îslamparêzên durû ji bo Filistînê diaxivin lê li ser Rojava nasekinin, ez wan şermezar dikim. Rojava wekî cihek demokratîk ji bo li ser piyan bimîne ber xwe dide. Em êrîşên li ser Rojava şermezar dikin. Em bang li welatên rojava jî dikin ku rola xwe bînin cih. Ji bo Rojava em banga qebûlkirina statuya wir dikin. Bila wekî welatê yekemîn jî Tirkiye statuya Rojava bi awayekî fermî qebûl bike."
Bakirhan li ser îtîfaqên ji bo hilbijartina herêmî ya sala bê jî sekinî û got ku ew ligel gelan îtîfaqê çêdikin, ne tenê bajarên kurdan emê li aliyê bajarên Tirkiyeyê jî gelek şaredariyan bi dest bixin.

Bakirhan li ser meseleya Zagona Bingehîn a nû ya li Tirkiyeyê jî got ku partiya ku kayûman dişîne ser şaredariyan, ya ku Peymana Stenbolê betal dike, ya ku Dayikên Şemiyê her hefte digire bin çavan dê zagoneke nû çêbike? Ne ev, em ji bo çêkirina zagoneke bingehîn a demokratîk amade ne û em ji vir tevgera çêkirina zagona demokratîk didin dest pê kirin.  

MÊVANÊN JI EWROPAYÊ

Beşek mêvanên ji derveyî Tirkiyeyê li ser navê partiyên xwe hatibûn kongreyê. Serokê Meclisa Parlementeran a Konseya Ewropayê Tiny Kox, Serokê Çepa Yekbûyî ya Ewropayê Anderj Unko, Hevberdevkê Koma Dostanî ya Kurdan a Parlemena EWropayê Francois Alfonsi, Seroka Giştî ya Partiya Çep a Finlandiyayê  Li Anderson, Sekreterê Giştî yê Partiya Sosyalîst a Hollandayê Arnout Hoekstra, ji Misirê Dr Ate Mohammed El Maghawry, Dr Mohammed Hassan Sayed Khalil, ji Lubnanê rojnameger Mahmoud Fakih, Dr Sonya Elaşkar, parlementerê berê yê Iraqê Shurooq Abdullhameed Alabayechi hebûn.

MÊVANÊN JI BAŞÛR

Ji Başûr ji Yekîtiya Neteweyî ya Demokratîk a Kurdistanê Mudhafar Khalid Abdurrahman, ji Biçûtnewayî Rizgarî Gelê Kurdistan Abdallah Kamal Ahmed, ji Hîzbî Zehmetkêşanî Kurdistan Dilêr Abdullah Îbrahîm, ji Hizbî Şûî Kurdistan Azar Ahmed Abdul Qader û Sabeeha Hasan Hamakawanî, ji Yekgirtûya Îslamî Kurdistan jî Luqman Mohammed Salih li Kongreyê wekî mêvan amade bûn.

NAV GUHARTIN KIRIN HEDEP

- Yesil Sol Part navê xwe guhart û kir "Halklarin Eşitlik Demokrasi Partisi (HEDEP) / Partiya Gelan a Wekhevî û Demokrasiyê". Beştaş navê partiyê ragihand û got Hedefa me desthilatdariyeke demokratîk e.

SILAV BO ROJAVA

- Kongre bi beşdariya hezaran kesî dest pê kir. Di kongreyê de dîwan çêbû û bi axaftina dîwanê bi awayekî fermî kongreyê dest pê kir. Di bin serokatiya mebûsa Erzeromê Meral Daniş Beştaş de dîwan hat sazkirin û kongreyê bi awayekî fermî dest pê kir. 

Beştaş di axaftina destpêkê de got, "Berxwedana Filistînê çi be yê rojavayê Kurdistanê jî ew e. Tiştên li Filistînê diqewimin li Rojava jî diqewimin gere xwedî li wir jî derên. Em silavên xwe ji bo Rojava dişînin." Beştaş bal kişand ser tecrîda li ser Ocalan jî.

- Ji serê sibê de endam û delegeyên Yeşîl Sol Partî ber bi Salona Sporê ya Sergirtî ya Atuturk a ULusa Enqereyê ve herikîn.

PANKARTÊN BI KURDÎ
- Li salonê gelek pankart hatin daliqandin. Ji van çend jê bi kurdî bûn: "Rêya 3'yemîn rêya çareseriyê ye", "Jin, Jiyan, Azadî", "Ziwanê Kurdî Wa Bibo Ziwanê Fermî".
GUHERÎNA NAV Û HEVSEROKAN

- Kongreya 4'emîn a Asan Yeşîl Sol Partî bi diruşma "Ji Bo Azadî" li dar dikeve. Di kongreyê de hevserok dê biguherin. Ligel van li bendê ne ku sedî 90 endamên Meclisa Partiyê jî biguherin. Partî di kongreyê de dê navê xwe jî biguherîne.

ZIMANÊ ZIKMAKÎ

- Di kongreyê de rêzikname jî diguhere. Li gor agahiyên ji Yeşîl Sol Partî hatine li ser perwerdehiya bi zimanê zikmakî û akademiya siyasetê jî xalên heyî dê bêne nûkirin.

Ev wekî logoya HEDEP'ê hatiye amadekirin û hilbijartin