Diyarname
Mem û Zîn berhema mezin a kurdî ya Ehmedê Xanî ye. Berhem heta niha bûye lîstika şanoyê, bûye fîlm, bûye projeya dansê. Niha careke din lîstikek ji vê berhemê derdikeve ser dikê. Şanoya Dewletê ya Wanê ji "Mem û Zîn"ê lîstika şanoyê amade kir û dê di vê serdema nû ya şanoyê de lîstikê derxe ser dikê. Lîstika ku dê bi tirkî bê lîstin ji aliyê Îpet Atagun Gezener (yek ji hunermendên Şanoya Dewletê ya Enqereyê) ve hatiye bi rê ve birin û di lîstikê de 15 lîstikvan dilîzin.

Par dest bi provayên lîstikê hatibû kirin lê ji ber erdhejê lîstik bi paş ve hate xistin. Niha ji ber ku Navenda Çanda Şanoyê di encama erdhejê de zerar dîtiye li bexçeyê şanoyê di konê de dê bê lîstin. Cara yekem lîstik bi beşdariya Cîgerê Waliyê Wanê Atay Uslu, Mehmet Yuzer û gelek hemwelatî hate lîstin û lîstik di vê serdema nû de dê bê lîstin.