Diyarname

38'emîn Fûara Pirtûkan a Stenbolê îsal di navbera 2-10'ê sermawezê de li dar dikeve. Weşanyanêyên kurdan ên ku îsal dê beşdar bibin diyar bûn. 

Fûara Pirtûkan a Stenbolê îsal roja 2'yê mehê dê 38'emîn car deriyên xwe vebike. Di çarçoveya fûarê de li dor 800 weşanxane û saziyên sivîl dê standê vekin û dîsa bi sedan panel, gotûbêj dê li dar bikevin.

Mêvarê Rûmetê Ozyalçiner e

Mêvanê Rûmetê ê îsla nivîskar Adnan Ozyalçiner e. Di fûarê de li ser jiyan û berhemên Yalçiner dê gelek panel û gotûbêj li dar bikevin. Her wiha li ser Nifşê 1950'î yên Tirkiyeyê jî dê gotûbêj hebin ku Yalçiner jî yek ji wê nifşê ye û ewê jî dê di nav van de cih bigire. Di vê çarçoveyê de roja 2'yê mehê çalakiyên “Nifşê 50'ê û Nameyên Dostaniya 59 salan: Adnan Ozyalçıner, Erdal Oz, Kemal Ozer”, “Vejîna Nifşê 50'yî”, “Çîroknivîsiya û Helbestvaniya Nifşê 50'î" (ev her sê 2'yê mehê) û 3'yê mehê jî bi navê “Ligel Adnan Ozyalçıner Bi Şirîkatiya Fotografan Sohbet" dê gotûbêjek li dar bikeve ku Ozyalçiner bi xwe jî dê beşdar bibe.

Yekem pirtûka min

Yek ji xebata nû ya fûarê jî "Pirtûka min a yekem" e. Di vê çarçoveyê de dê nivîskarên yekem pirtûkên wan derketine bi heman navî bi gotûbêjên kurd derkevin pêşberî xwendevanan. Di vê çarçoveyê de sî û yek yekem pirtûk hene ku dibin mêvan.

Weşanxaneyên kurdan

Di fûara îsal de 9 weşanxaneyên kurdan hene lê balkêş e ji weşanxaneyên kurdan ên mezin weşanên Avesta, Aram û Peywend îsal standê venakin. Yên ku standê vedikin jî ev in: AVA (No 2605 E), HÎVA (No 12508 E), J&J ( (No 2213 C), LİS (No 2104 F),  NÛBIHAR (No 2605 F), PÊRÎ (No 4103), PIRTUKAKURDÎ (No 12508 B), RÛPEL (No 2605 D), SÎTAV (No 12508 C).

Her wiha ji bili van Weşanên Sor (No 3311) û Weqfa Îsmaîl Beşîkçî  (No 12510 E) jî standê vedikin.

Fûar her roj dê di navbera saetên 10.00-19.00'an de vekirî be. Bilêtên ketine hundir bi 10 TL'yî ne lê ji bo xwendekar, mamoste û malnişînan bê pere ye.

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye. 

**

Nûçeya Eleqedar:

- Mêvanê rûmetê yê Fûara Pirtûkan diyar bû