Diyarname

Di sala 2017'an de Serokdewletê DYA'yê yê wê demê Donald Trump biryar da ku ji nav UNESCO'yê derkevin. Niha ev biryar hat betalkirin.

Li navenda UNESCO ya Parîsê ji bo vegera Dewletên Yekbûyî yên Amerîkayê (DYA) merasimek at lidar xistin. Ala DYA'yê hildan jor û Firt Ladyya DYA'yê Jill Biden axivî. Biden got ku ji bo parastina mîrateya çandî ya dinyayê û li hemû dinyayê xurtkirina perwerdehiyî û zanistê pêdivî bi pêşengiya DYA'yê heye.

Dîrektora Giştî ya UNESCO'yê Audrey Azoulay got ku ji bo vegera DYA'yê ew kêfxweş in û ev endamtî ji bo piralîbûna giştî girîng e.

Sala 2017'an de Trump bi sedema "pêşbadaraziyên dijî Îsraîlê" dest ji UNESCO'yê berdabû. Li aliyê din UNESCO'yê di sala 2011'an de Filistîn wekî welatê nedam qebûl kiribû loma jî DYA û Îsraîlê dest ji piştgiriya aborî ya UNESCO'yê berdabû.

UNESCO bi vegotina berfireh "Rêxistina Çand, Zanist û Perwerdehî ya Neteweyên Yekbûyî" bi DYA'yê re carek din bû xwedî 194 endaman.

Tê îdîakirin ku ji bo Çîn valahiyê danegere DYA carek din vegeriyaye nav rêxistinê. 

DYA berê jî çûbû û dîsa vegeriya bû. Di sala 1983'yan de Serokdewletê wê demê yê DYA'yê Ronald Reagan ji UNESCO'yê vekişabû, di sala 2012'Yan, di dema George W. Bush de vegeriyabû nav rêxistinê.