Diyarname
Siyasetmedar û nivîskar Sedat Yurtdaş pirtûka xwe ya çîrokan a duyemîn bi navê “Ke faret” derxist.

Sedat Yurtdaşê ku heta niha çend pirtûkên bi tirkî bi navê “Orkestra Yeni Ezgiler Çalacak” (helbest, Belge, 1992), “Bir Gensoruda Parlamento Gerçegi” (bîranîn, Yurt, 1993), “İnsanlar Duşunceler Kavgalar” (bîranîn, Öteki, 1996), “Remo ‘Bitmeyen Sorgu’” (roman, Çiviyazıları, 1998) derxistibû di sala 2002’yan de jî yekemîn pirtûka xwe ya bi kurdî ya çîrokan bi navê “Xelat” (kurteçîrok, Sî, 2002) derxistibû. Niha pirtûka wî ya duyemîn a bi kurdî “Kefaret” ji Weşanxaneya Lîsê derket.
“Kefaret” bêyî ku li dora peyvê bigere, bi şêweyekî rasterê, her wekî ku bûyer û qewaman bandor li ser hiştine, vedibêje.
Yurtdaş di çîrokan de vegotina xwe bi zimanekî rewan û nêzîkî zimanê rojane ava dike da ku xwendevan bikaribin ji xema wî fam bikin. Çîroknûs serboriyên mirovan û çavdêriyên ku kirine bi zimanekî wêjeyî dihone û derdixe qada çîrokê.
“Kefaret”a Sedat Yurtdaş sê kurteçîrokên bi navê “Çîroka Şewitandinê” (ji çar beşan pêk tê), “Kefaret” û “Sefer” pêk tê.
Beşek ji Çîroka Şewitandinê:
“Min xwîna xwe kire çavên xwe û min nehişt. Wan çi qasî xwe avête min, çi qasî li ber min geriyan jî, tewş bû. Min got, na û na! De ka xwezî wê çaxê ev çavên min birijiyana, kor bibûma, ziman li min negeriya, ling li min bişikiyana, deng ji min bihata birrîn û min rê li ber wan negirta. Ez hem bûme bayîsê xwe û hem jî bûme bayîsê hemûyan. Ez bûm bela û bi canê tevan ketim. Lewma jî, îro cezayê sûcên xwe yên giran dikişînim. Kefareta gunehên min ji min tê standin…”

Kefaret /Sedat Yurtdaş / Çîrok / 96 rûpel