Diyarname
Kovara Tîrojê vê hejmara xwe de li ser 'Di Pêvajoya Çareseriyê de li Kurdistanê Tevgera Sermeyedarî' disekine.
Kovara Tîrojê ya meha rezber-kewçêrê bi gelek mijarên xwe li ber destê xwendevanan e. Di hejmara 64'an a Tîrojê de li ser "Di Pêvajoya Çareseriyê de li Kurdistanê Tevgera Sermeyedarî" dosyayeke hatiye amadekirin.
Di vê dosyaya balkêş de M. Ender Onder, Sedat Yilmaz, Ozgur Muftuoglu, Azize Aslan û Nazan Ustundag li ser meseleyê axivîne. Li ser sermeyedarî ya li Bakur, Başûr, li ser rewşa Rojava û Rojhilat nirxandin hatine kirin.
Ji wan Sedat Yilmaz dibêje Serjimariya başûrê Kurdistanê 4 mîlyon e, yê Çînê mîlyarek e lê hejmara wezîran ji Çînê zêdetir e û rexneyê li rewşa aborî ya li Başûr dike. Yilmaz dibêje "Ji 4 mîlyonî nêzî 1.1 mîlyon kes memûr (karmend) in! Bi kurtasî em bibêjin Hikumeta Başûrê Kurdistanê aboriyeke ku wan bi xwe saz kiriye tune ye. Petrolê difroşe lê her tiştî ji derve dikire."
Kovarê li ser wefata helbestvanê mezin Şêrko Bêkes helbesteke wî "Bîranîn" û helbesta Fatma Savci "Rêbwwarekî tî" weşandiye ku Savci ev helbest ji bo Şêrko Bêkes nivîsandiye. Her wiha ji helbestan, helbesta Sezai Sarioglu ya bi navê "Tarih Kurtansin (Bila dîrok rizgar bike)" jî ji bo Rojava weşandine.
Ji nivîsan Ferîd Demîrel "Şerê Sûriyeyê: Roja Mehşerê" nivîsandiye. Omer Dilsoz jî "Nêrînek li ser ezmûna romanê" nivîsiye. Her wiha Emine Çelebî jÎ li ser belgefîlmê Cemil Oguz "Mazgal" ku li ser kuştina 10 girtiyên kurd hatiye kişandine nivîs nivîsandiye.
Di kovarê de du hevpeyvîn jî hatine weşandin. Yek ji wan Şafak Timur bi weşanger Abdullah Keskin re li ser Şêrko Bêkes hevpeyvînek kiriye. Hevpeyvîna din jî Nalan Temeltaş bi Rojat Aksoy re li ser êzîdîtî, jiyan û mîmariya wan hevpeyvîn kiriye.
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.