Diyarname
Lîberta Sahaf-Kitabevî ji niha û pêde ligel karê xwe yê sahafiyê dê wekî weşanxaneyek jî pirtûkan çap bike. Liberteyê yekemîn pirtûka xwe çap kir.
SAHAF Û WEŞANXANE BI HEV RE
Lîberta Sahaf ev çend sal in li Stenbolê pirtûkan digihîne ber destên xwendevanan. Ew dê êdî pirtûkan çap jî bike. Li gor agahiya ku me ji xwediyê Libertayê Şivan Zeren girtin ji niha û pêde wekî weşanxane jî ewê xebatên xwe bidomînin. Wekî pirtûka yekemîn jî pirtûkek helbestan weşandine.
'XEWNÊN BÊJINGKIRÎ'
Libertayê pirtûka helbestan a Hamza Deniz bi navê "Xewnên Bêjingkirî" çap kiriye. Nivîskar Hamza Deniz di sala 1961'ê de li gundê Bawernê ya Nisêbîna Mêrdînê hatiye dinê. Di sala 1992'yan de hatiye girtin û piştî 30 salên girtîmayînê di sala 2022'yan de hatiye berdan.
Deniz li girtîgehê pirtûkên helbest, çîrok û roman nivîsîne lê derfeta ku çap bike jêre çênebûye. Niha yekem pirtûka wî ji Lîbertayê derketiye.
Va ye kurteyek ji helbesteke wî:
"Vê şeverona bêdeng
Dilê min mest kir
Û ez dam ber bayekê dilistanî
Xeyalên min geş bûn
Şikandin dest û pêyên zincîrkirî
Serhildana hesmên min
Hesinê zilmê derbas kirin
Û bi lezeke quantomê ber bi Mahabadê ve diçû
- Xewnên Bêjingkirî / Hamza Deniz / Weşanxaneya Lîberta / 78 rûpel / Pûşper 2023 / Helbest