Diyarname
Pirtûka derûnnas û nivîskar Brahîm Alûcî bi navê “Gotinên Derûnkolerî” wekî e-pirtûk hat weşandin. E-pirtûka ji nav Weşanxaneya Çandnameyê derket, li ser derûniya mirovê bindest û mekanîzmayên dagirkirina hiş disekine.

Berî vê jî e-pirtûkên Brahîm Alûcî hatibûn belavkirin.  Her wiha “Xezîneya Çanda Kurdî - Gotinên Pêşiyan” wekî pirtûk ji Weşanên Belkî derketibû.

Bi Sedan Aforîzmayên li Ser Derûniya Bindestan

E-pirtûka nû ya Alûcî ji sedan aforîzmayên ku balê dikişînin ser derûniya mirovê bindest pêk tê. Pirtûk ji du beşên sereke pêk tê:

Beşa Yekem: Aforîzmayên ku bi peyva “Ajoyên jiyanê” dest pê dike û aforîzma li gorî alfabeya kurdî hatine rêzkirin.

Beşa Duyem: Ferhengokeke ji têgihên derûnkoleriyê yên wekî ego, îd û derhişî hatiye bi cih kirin..

Nivîskar bi vê şêwaza xwe ya aforîzmayî armanc dike ku xwendevan di warê derûnkoleriyê de xwendinê bi “pêlên hêdî” di hişê xwe de hîs bikin.

Ziman wekî “Mala Mirovan” tê pênasekirin

Di e-pirtûkê de Alûcî navên derûnnasên navdar ên wekî Freud, Lacan, Winnicott û Fanon digire dest û wan ji bo analîzkirina civak û zimanê kurdî bi kar tîne. Li gorî pirtûkê, ziman “mala mirovan e” û dûrketina ji ziman, di heman demê de dûrketina ji xwebûnê ye.

Ji bo yên bixwazin daxin, lînk:
- “Gotinên Derûnkolerî” / Brahîm Alûcî