Diyarname

Mesele, meseleya pevçûna li gundekî Bismila Amedê ye. Îro ji ber lihevnekirina erd li gundê Şidada ya Bismila Amedê du aliyan gule bera hev dane: Tam bi temamî 9 kes mirine...

Mesela, em vê nûçeyê belav nekin wê çi be? Wê tu tiştek jî nebe. Çima? Çimaya vê ev e: Di sedsala 21'ê de kurd, bi ser de jî kurdên reben, bi ser de jî kurdên bindest gule bera hev didin û hev dikujin. Erê di sedsala 21'ê de... Derd giran e. Em nûçeyê çêbikin jî çênekin jî derd giran e. Wilhasil...

Dîsa jî em vê kurteyê lê zêde bikin: Malbatên Alyamaç û Taş ji ber 200 donim erd îro li hev ketine. Gule bera hev dane. Ji aliyek kesên bi navê O.T., S.T., H.T., M.C.T. û ji aliyê din M.E.A., S.A., M.A., Y.A. û O.A. mirine. 2 kes jî birîndar rakirine nexweşxaneyê.