Diyarname
Komeleya Nivîskarên Sînemayê (Siyad) her sal fîlmên salê hildibijêre, îsal jî xelatên xwe belav kirin. Xelata Fîlmê Herî Serketî, Derhênerê Herî Serketî jî di nav de fîlmê Emin Alpar "Kurak Gunler" tam 8 xelat girtin û mohra xwe li şevê da.
Farah Zeynep Abdullah bi rola di "Bergen" de Xelata Lîstikvana Herî Serketî,
DAXWAZA HATINA BIHAREKE NÛ
Ji bo belavkirina 55'emîn Xelatên Siyadê li Salon a ÎKSV'ê merasimek hat li dar xistin. Di merasima ku pêşkêşvaniya wê Cem Davran kir de ji qada sînemayê gelek kes amade bûn. Seroka Siyadê Esin Kuçuktepepinar axaftina destpêkina şevê kir, qala erdhejê, zehmetiyên li holê kir û diyar kir ku tiştek girîng e di vê şevê de ew qas mêvan hatine ba hev. Her wiha di şevê de beşdaran daxwaza hatina bihareke nû ji bo Tirkiyeyê anî ziman.
'BILA KAVALA Û ÊN DIN VÊ HAVÎNÊ LI CIM ME BIN'
Derhêner Emin Alper xelat diyarî keça xwe ya yek mehî kir û got, "Em ji bo zarokên xwe Tirkyiyek xweş hêvî bikin." Alper ku ji bo xelatek din carek din hat ser dikê, got, "Ez hêvî dikim ev bihar dê bibe bihareke xweştir. Ez hêvî dikim Osman Kavala, Çigdem Mater û girtiyên din piştî biharê vê havînê li cem me bin."
Derhênerê kurd Muhammet Beyazdag ku bi belgefîlmê xwe "Her şey yolunda" xelat girt, got, "Em ji rojên tarî re derbas dibin. Piştî tarîtî bihar tê. Ez hêvî dikim ev bihar dê bibe bihareke rastîn."
XELATÊN HATIN BELAVKIRIN
Piştî xaftinan Xelatên Rûmetê û Kedê hatin belavkirin. Suna Selen û Tevgik Başer "Xelata Rûmetê", Korhan Yurtsever jî "Xelata Kedê" girt. Dûre Xelatên Siyadê ku bi dengên endamên Siyadê hatine belavkirin hatin dayîn.
Derhêner Emîn Alper xelata Derhênerê Herî Serketî jî di nav de bi fîlmê xwe "Kurak Gunler" 8 xelat girtin.
Va ne xelatên ku hatine belavkirin:
- Fîlmê Herî Serketî: Kurak Gunler / Emin Alper
- Derhênerê Herî Serketî: Emîn Alper / Kurak Gunler
- Xelata Hêviyê ya Ahmet Uluçay: Nazli Elif Durlu /Zuhal
- Senaryoya Herî Serketî: Emin Alper / Kurak Gunler
- Lîstikvana Herî Serketî: Farah Zeynep Abdullah / Bergen
- Lîstikvanê Herî Serketî: Selahattin Paşali / Kurak Gunler
- Derhênerê/a Dîmenê yê/a Herî Serketî: Christos Karamanis / Kurak Gunler
- Derhênerê/a Hunerê yê/a Herî Serketî: Natali Yeres / Kerr
- Muzîka Herî Serketî: Stefan Will / Kurak Gunler
- Vesazkirina Herî Serketî: Ozcan Vardar, Eytan İpeker / Kurak Gunler
- Lîstikvanê Duyemîn ê Herî Serketî: Erol Babaoglu / Kurak Gunler
- Lîstikvana Duyemîn a Herî Serketî: Jale Arikan / Kerr
- Fîlmê Herî Serî yê di Qada Dîjîtal de Belav Bûye: İki Şafak Arasinda / Selman Nacar
- Xelata Fîlmên Fastastîk a Herî Serketî ya Giovanni Scognamillo: Ev Diye Bir Şey Yok / Derhêner F. Nur Ozkaya
- Belgefîlm Metrajdirê jê Herî Serketî: Boşlukta / Somnur Vardar
- Kurtebelgefîlmê Herî Serketî: Her Şey Yolunda / Muhammet Beyazdag
- Kurtefîlmê Herî Serketî: Cehennem Boş Tüm Şeytanlar Burada / Ozgurcan Uzunyaşa
- Xelata Fîlmê Herî Serketî ye Biyanî: Drive My Car / Ryusuke Hamaguchi
- Xelata Fîlmê Herî Serketî yê di beşa fîlmên dîjîtal de: Decision to Leave / Park Chan-Wook
Derhêner Muhammed Beyazdag bi belgefîlmê xwe "Her şey yolunda" xelata Kurtebelgefîlmê Herî Serketî girt.