Diyarname

Lîstikvan, sînemager Muhlis Asan êvara 25'ê mehê canê xwe ji dest da.

Meha borî Muhlis Asan li Stenbolê beşdarî galaya lîstikek şanoyê dibe û dibêje "Ez xwe baş hîs nakim". Bi teqsiyê dibin mal. Dilê wî radiweste. Piştî 7 deqîqeyên rawestina dil wî dibin beşa nexweşên giran. Ji wê demê ve dihat dermankirin, êvara 25'ê mehê canê xwe ji dest dide.

Muhlis Asan kî ye?

Muhlis Asan di sala 1958'an de li Îdirê hatibû dinê. Wî di gelek lîstikên şanoyê de lîstibû, di warê sînemayê de jî xebatên wî hebûn.

Şanogerî

Di lîstikên wekî 'Hamdi Ne Umdu Ne Buldu', 'Halkın Gucu', 'Deprem' û 'Zulüm' de lîstibû. Paşê di navbera salên 1982 - 1986'an de di Lale Oraloglu Tiyatrosu de lîstikên di lîstikên  'Alman Gelin' û 'Yil 1921' lîst. Di Bizim Tiyatro ya aîdê Zafer Diper de lîstika 'Woyzeck Oyunu', ligel Mujdat Gezen di lîstika 'Girgiriye Muzîkalî' û di Abdullah Şahin Nokta Tiyatrosu de jî lîstikên wekî 'Ne Yazik kî Namuslu' û 'Sari Çizmeli Oyunlari' de rol girt.

Sînemagerî 

Asan li Tirkiyeyê di gelek fîlm û rêzefîlman de jî lîstibû. Ji fîlmên sînemayê ligel yên tirkî di fîlmên kurdî de jî lîstibû. Ligel derhêner Kazim Oz kar kiribû, di fîlmê Oz "Fotograf" û "Bahoz" de jî lîstibû. Derhêner Oz bi ser hesabê xwe yê tora civakî re ev peyam belav kir, "Êş ketine rêzê... Mamosteyê min ê hêja, ma tu jî? Dostê min, derhênerê castên me, yekem mamosteyê min ê hunera min, oxira te ya xêrê be. Bila li ser axa te kulîlk vebin... Ew henekên te yên xweşik dê ji bîra me neçin."

Cenazeyê wî dê li Goristana Ayazaga ya Stenbolê bê definkirin.