DiyarName.Com

Pêşbaziya Dosyaya Helbestan a Arjen Arî li benda we ye

Ji bo bibîranîna helbestvan Arjen Arî pêşbaziyeke dosyaya helbestan hate dest pê kirin. Kesên bixwazin beşdar bibin divê

Diyarname

Ji bo bibîranîna helbestvan Arjen Arî pêşbaziyeke dosyaya helbestan hate dest pê kirin. Kesên bixwazin beşdar bibin divê heta 31’ê meha pêşî ya sala 2014’an berhemên xwe bişînin ber destên amadekaran. Dosyaya ku bi ser bikeve dê telîfa nivîskar bê dayîn û dosya bê çapkirin.

Pêşbazî ji bo bibîranîna Arjen Arî, ji bo xwedîlêderketina ziman û wêjeya kurdî hatiye dest pê kirin. Weşanxanên Evrenselê, Şaredariya Bajarê Mezin ya Amedê, Weşanên Lîs, Belkî, Ronahî, Avesta û Enstîtuya Kurdî ya Amedê ev pêşbazî dane dest pê kirin. Kesên ku beşdarî pêşbaziyê bibin divê ev dosyaya wan berê nehatibe weşandin. Encama pêşbaziyê dê roja 1'ê avrêla 2014'an ku rojbûna Arjen Arî ye bê eşkerekirin. Dosyaya ku bi ser bikeve dê telîfa nivîskar bê dayîn, bi logoya saziyên piştgir ji aliyê Weşanên Evrenselê ve bê çapkirin û li Fûara Pirtûkan a Amedê de bê belavkirin.

Di nav lijneya pêşbaziyê de Berken Bereh, Ehmed Huseynî, Rênas Jiyan, Şener Ozmen, Îrfan Amîda, Fatma Savci û Behzat Brûsk Arî heye.

Şertên beşdariya pêşbaziyê bi vî rengî ne

• Xelat dê li berhema bi zaravaya kurmancî hatiye nivîsandin bê dayîn.

• Her kesê heta niha berhema wî nehatibe çapkirin dikare serî lê bide.

• Berhemên ji saziyek an di pêşbaziyek de xelat girtibe nikare tevlî pêşbaziyê bibe.

• Dosyeyên ji bo pêşbaziyê bêne şandin divê di qabareya (hacm) pirtûkê de, 64 rûpel (4 form) be.

• Dosye divê di formata A4 de wekî 7 (heft) nushe û bi CD’yek ku dosye tê de ye bê rêkirin.

• Divê di dosyeyê de nav, nîşan an mehlas û hwd ku xwediyê berhemê bide nasin tune be.

• Helbestvanên beşdarî pêşbaziyê bibin dê kurtejiyan, navnîşan û pêdiviyên ji bo têkiliyê di nav zerfeke devgirtî de rêbikin.

• Dosye bi kargo an bi posteyê bişînin vê navnîşanê:

Pêşbirka helbestê ya Arjen Arî

Tarlabaşı Bulvarı Kamer Hatun Mah. Alhatun Sok. Emek Apt, No: 25