Qamişlo

Li bajar û navçeyên Qamişloyê ya herêma Cizîrê ji bo Roja Zimanê Zikmakî ya Cîhanê çalakî û meş hatin lidarxistin û daxuyanî hatin dayîn.

Va ne notên ji van çalakiyan:

- Rêveberiya Dibistanên Amûdê bi vê boneyê meşek bi beşdariya bi sedan xwendekar, mamoste, endamên saziyên civaka sivîl ên bajêr li dar xist.

- Zanîngeha Rojava rêzesemîner li Qamişloyê bi navê "Rewşa zimanê kurdî di Zanîngeha Rojava de, di navbera astengî û planên pêşdeçûnê de" hate lidarxistin. Li çar parçeyan beşdaran di vî warî de dîtinên xwe anîn ziman. 

- Rêveberiya Dibistanan a Navçeya Tirbespiyê daxuyaniyek li Dibistana Şehîd Ronak da. Daxuyanî bi ‎zimanê kurdî ji aliyê xwendekara bi navê Hêlîn Silêman û bi zimanê erebî ji aliyê xwendekarê bi navê ‎Kîwan Kenan ve hate xwendin.‎ Wiha hat gotin, "Ziman nasname ye û ‎girêdana di navbera dema îro, paşeroj û siberojê de ye."‎

- Li navçeya Çilaxa jî daxuyaniyek li ber avahiya Rêveberiya Dibistanan hate dayîn.‎

- Navenda Perwerdeyê ya navçeya Til Birakê bi heman wesîleyê daxuyanî da. Daxuyanî li ber Dibistana ‎Şehîd Elî Selobî ji aliyê endamê Rêveberiya Dibistanan a navçeyê Eyûb Ebdo ve hat xwendin.‎

- Bi dehan xwendekar li pêşiya Meclisa Navçeya Til Hemîsê kom bûn û daxuyaniyek da. Xwendekarê bi ‎navê Omer Ebdurehman daxuyanî xwend.‎

(Ji ANHA'yê hatiye girtin û hatiye kurtkirin)

**

21.02.2023, Nûçeyên Eleqedar:

- HDP: Divê mafê zimanê dayikê wekî fermî bê naskirin û qebûlkirin 

- Bajar bi bajar daxuyaniya saziyên kurdî 

- KNK: Parastina ziman peywira me ye, em wê derxin asta bilind 

- 12 saziyên kurdî daxuyaniya Roja Ziman belav kir 

- Arî-Der: Hezkirina Ziman Hezkirina Welat e'