LONDON
Skoçya ji bo serxwebûnê, xwe amade dike ku di sala 2014'an de referandûm pêk bîne, lê partiya desthilat û partiyên muxalîf ên Îngilistanê li hemberî serxwebûna Skoçyayê bûn yek. Ji bo referandûm bi ser nekeve, partiyên îngilîz dixwazin referandûm di sala 2013’yan de pêk bê û di referandûmê de tenê pirsên “erê” û “na” bêne pirsîn.

Rojnameya Independent gotûbêjên der barê referandûma serxwebûna Skoçyayê de kir manşet. Rojnameyê nivîsand ku partiyên desthilat û muxalîf li hemberî Skoçyayê hêzên xwe kirine yek.

Li gorî rojnameyê, Partiya Karker a Mihafezekar û Partiya Demokratên Lîberal biryar dan ku di meseleya veqetîna Skoçkyayê ya ji Qiraliyeta Yekgirtî ya Brîtanyayê de biryarek hevpar dan.

Serokwezîrê Îngilistanê David Cameron da diyarkirin ku ew dilsozê hizra yekîtiya welet in, rêberê Partiya Karker Ed Miliband, jî bal kişand ku ger Skoçya cuda bibe, dê ziyanê bide aboriya Brîtanyayê.