AMED 

Cîgirê Serokê Giştî yê ÎHD'ê yê berê parêzer Muharrem Erbey ku 5 sal in ji "Doza KCK'ê" girtiye ji aliyê PEN'aNorwecê ve bi "Xelata Azadiya Derbirîn û Ramanê" hat xelatkirin. Di merasîmê xelatdayînê de hevser û zarokên Erbey li ser navê wî xelat girtin û nameya wî ku ji girtîgehê şandibû xwendin.

Erbey di 24'ê berfanbara 2009'an de ji "Doza KCK'ê" ya sereke hat binçavkirin û girtin û ev 5 sal in girtî ye. PEN'a Norwecê ew xelat kir. Ji bo xelatdayînê li  paytexta Norwec Osloyê merasimek li dar ket. Di merasimê de hevsera Erbey Bûrçîn Erbey û zarokê wî xelat girtin. Nivîskar Eugene Schoulgîn ku demek dirêj Serokatiya PEN'a navneteweyî jî kiribû xelat da.

'Hevserê min ji ber ku li hemberî zordaran rawestiya hat girtin'

Bûrçîn Erbey di merasimê de axivî got ku hevserê wî Muharrem Erbey li Kolemeya Mafê Mirovan (ÎHD) bê cudahî alikariya her kesî dikir û wiha dom kir: "Hevserê min ji bo dirûstkirina aştiyê xebitî. Got bila dadmendiya pêwîst pêkbê. Tu carî li nasnameya nijadî û fîkrên siyasî yên ku mafê wan hat binpêkirin nedinêrî, dilê xwe heta dawî vedikir û li derdên wan guhdarî dikir û hewl da ku pirsgirêka wan çareser bike. Bikaranîna hevgiriya hêzan Ewlehiyê herdem rexne dikir û kesên ku derketiba derzagonan hişyar dikir. Li ser daxwaza kurdan ya wekhevî û azadiyê radiwestiya. Bi kurtasî bû alîgirê maf û dadmendiyê. Hevserê min ji ber ku li hemberî zordaran rawestiya hat girtin." 

'Ez xelatê li ser navê kurdên birûmet digrim'

Di merasima xelatê de nameya Muharrem Erbey ya ku ji Girtîgeha Tîba D a Amedê şand hat xwendin. Erbey di nameya xwe de wiha got: "Sendîqaya we ya nivîskaran ji ber ku xelata "Azadiya Derbirîn û Ramanê" layiqê min dît ez spasiyê xwe pêşkeşî we dikim. Ez ji nivîngeha 6 metrekareyî ya sar, binêm, ya dîwarên gewr û li pişt derîyên hesinî we silav dikim. Ez malbata PEN'ê ya ku ez li nava çar dîwaran de bi tenê nehiştim, endamên wê yên nirxdar silav dikim. We bi vê xelatê ez rûmetdar kirim. Ez li ser navê hemû nivîskarên girti, parazvanê mafên mirovan û li ser navê hemû girtiyên kurd spasiya we dikim. Ez vê xelatê li ser navê gelê kurdên birûmet yê ji bo azadiya xwe têdikoşe digrim. Ji we xelata rojbûna xwe ya 14'ê Adarê digrim. Hîna li Tirkiyeyê 210 jê giran bi tevahî 780 girtiyên nexweş tê giritin li ber çavan li hêviya mirinê ne. Li Tirkiyeyê yekemîn car e parazvanê mafên mirovan 4 sal û 3 meh e tê girtin. Min ji ber ku hewl da rûmeta mirovan biparêzim û mafên mirovan yên ku hatine binpêkirin biparêzim li vir im. Ez li pişt tiştê ku min kirine radiwastim. Ez li vir hêzdartir bûm, pakbûm û xwe nû kir. Ez li pey fikrê xwe çûm, min bawerî bi fikrê xwe anî û hewl da ku ez xwe bigihînim heqîqetê. Min xwest ez alîkariya mirovan bikim û binivisînim û bijîm. Mesele jiyandinin nîn e mesele bi rêk û pêk û bi rêgez jiyankirin e. Dîroka mirovahiyê kesên ku li jêr nêrî nenivîsand kesên wêrek yên ku li asîmanan nêrî nivîsand. Ji mirovên ku li pey xwe mîrasek bi rûmet û dîrokek xweş hişti ne silav be."