Qamişlo
Dewleta Tirkiyeyê yekem êrîşa xwe 19'ê mehê li hemberî bajarên Bakur û Rojhilatê Sûriyeyê pêk anîbûn û di van 24 saetên dawî de jî êrîşên xwe dom kirin. Hêzên Sûriyeya Sûriyeya Demokratîk (QSD) îro daxuyaniyeke nivîsî belav kir û diyar kir ku di nav 24 saetên dawî de Tirkiyeyê 6 caran bi balafirên şer êrîş kiriye û her wiha 590 caran top avêtine herêma wan. Di daxuyaniyê de wisa hat gotin, "Di van êrîşan de fabrîke û avahiyên stratejîk, nexweşxane, bîrên petrolê û milkên hemwelatiyan kirine hedef." Li aliyê din di daxuyaniya ku ANHA'yê belav kir de hat gotin ku di êrîşên 22'yê mehê de 7 hemwelatî û 2 endamên Beşa Antîterorê (YAT) canê xwe ji dest dane.