Amed

Zora polîsan a li ser rojnameya Xwebûnê didome. Berê nehiştibûn rojname here Mêrsînê, vê carê nehiştin rojnameyê bibin Stenbolê û xwediyên otobusan hatin tehdîdkirin.

Roja 15’ê vê mehê piştî ku belavkar hejmara rojnameya Xwebûnê ya 148’an ji bo şandina Stenbolê li otogara Amedê teslîmî fîrmaya otobusan kir, polîsan gef li fîrmayan xwariye. Li ser vê yekê rojnameyê ev yek got, "Bêyî ku hinceteke hiqûqî nîşan bidin polîsan ji rayedarên fîrmayê re gotine rojnameyê nebin Stenbolê. Li ser vê fîrmaya otobusan 155 rojnameyên me li belavkaran vegerandin û nikarîn bibin Stenbolê."

Meha borî jî polîsan li otogara Amedê hejmara 144'an ku dişandin Mêrsînê desteser kiribû û tu hinceteke hiqûqî nîşan nedabû.

XWediyê Îmtiyazê yê XWebûnê Kadri Esen li ser vê yekê got, "Ji vê jî diyar e dewlet ji deng û rengê azad ê kurdan aciz e. Lê bila bê zanîn em ê deng û rengê xwe neguherînin."

 ***

Nûçeya Eleqedar;

- Tekane rojnameya bi kurdî dest bi serdema nû kir

- Ji salên 90'î heta niha destdanîna ser rojnameyan