Diyarname
Belgefîlmê derhêner Aydin Orak ê bi navê "Destana Serhildanekê: Bêrîvan" ku Wezareta Çandê destûr nedabû ku bikeve vîzyonê, Walîtiya Batmanê jî ew qedexe kir.

Di 2'yemîn Festîvala Fîlman a Yilmaz Guney a ku li Batmanê ji aliyê Şaredariya Batmanê ve hatiye organîzekirin didome. Di vê çarçoveyê de dê belgefîlmê "Bêrîvan"ê jî bihata nîşandayîn lê walîtî ew qedexe kir.

Derhêner Orak bertek nîşanî biryara walîtî da û got ku di belgefîlm de her tişt rast in û tu dîmenek an diyalogekek hatibe vesazkirin tune ye.

Ji ber ku walîtî belgefîlm qedexe kir, di wê seansê de derhêner Orak derket pêşberî temaşevanan, qala biryara qedexeyê û şermezarkirina wê kir, dûre ji bo temaşevanan qala naveroka belgefîlm kir.

Di çarçoveya nîşandayîna fîlm û belgefîlman de roja 15'ê mehê belgefîlmê Cemil Oguz "Rewşen", yê Azîz Çapkurt "Diya min aştiyê dixwxaze" û yê Seyda Goyan "Bîstanê Zêrîn" hatin nîşandayîn.

Festîval heta 18'ê mehê didome û roja 18'ê mehê dê bi merasimeke xelatdayînê bi dawî bibe.

***

Nûçeyên eleqedar:

- Vaye bernameya Festîvala Fîlman a Yilmaz Guney

- Rojên Festîvala Yilmaz Guney diyar bûn

- Fîlmên Pêşbaziya Festîvala Yilmaz Guney diyar bûn

- Agahiyên nû li ser Festîvala Yilmaz Guney