Mêrdîn

Baroya Mêrdînê li ser qezaya li Dêrikê çêbû û 21 kesî têde canê xwe ji dest da îro li avahiya xwe daxuyanî da çapemeniyê. Serokê Baroya Mêrdînê İsmail Elik axivî, pêşî kên di qezayên li Dêrikê û Entabê de canê xwe ji dest dane bibîr anî û li ser qezaya li Dêrikê sekinî.

Elik got ku 2 ajokarên TIR’an hatine tewqîfkirin, em nizanin lêpirsîn dê ber bi ku ve here, lê tirsa wan heye ku dosyayê bincil bikin. Elik got, “Em qebûl nakin ku dosya tenê bixin stûyê her du ajokarên TIR’an.

Li gor nûçeya Ajansa Mezopotamyayê, Elik wisa got, “Qezaya pêşî saet 17.55’an de çêbûye. Divê ewlehiya bihata sazkirin nehatiye sazkirin, qezaya duyemîn saet 18.30 de li dar ketiye. 35 deqe navber heye. Di vê 35 deqîqeyan de li gor şahidan tevdîr nehatiye girtin. Herî hindik divê trafîk bidana rawestandin yan jî bi qontrol saz bikira û erebeyên bi bar 2-3 kîlometre dûr bidana rawestandin heta bûyer temamî bixista bin ewlehiyê. Lê ewlehî nehatiye girtin, TIR’a duyemîn ketiye nava qelebalixê û facîa çêbûye.”

Elik got ku her du ajokaran jî gotiye lastîkên wan teqiyane û ev yek lê zêde kir, “Ya lastîkên baş nehatiye bikaranîn yan jî i qasî barê dikare bê ragirtin zêdetir bar lê kirine, loma wisa bûye. Ger lastîkên başên nehatibin bikaranîn, erebe nehatibe kontrolkirin ne tenê ajokar, kompaniya bar girtiye ser xwe jî berpirs e. Kompaniya ku vî malî teslîmê kopaniyê dike jî berpirs e. Li aliyê din polîsên ewlehiya trafîkê saz nekirine jî bi qisûr in. Li vê derê îhmal heye, qisûr heye. Kesên îhmal û qisûrê wan heye divê hesabê bidin, ger tenê her du ajokar bêne darizandin dê qezayên nû jî çêbin. “

Serokê Baroya Mêrdînê go ku ew bi cezakirina her du ajokaran re ne eleqedar in, ew dibêjin qisûrê kî di vê bûyerê de heye divê hesabê bidin.”

**

Hin nûçeyên eleqedar:

- Sancar: Şaredariya Mêrdînê 2 sal berê li ser vir sekinîbû, qeymeqamî guh neda 

- Dadgehê Dêrik nîşanî me da 

- Li Mêrdînê TIR'eke sêyemîn jî hebû 

- TMMOB: Li Dêrikê gelek îhmal hene