Diyarname

Roja 20'ê mehê li Mêrdînê di qezaya trafîkê de 21 kes mirin. Kîteyên nû yên der barê bûyerê de derketin holê. TIR'eke din jî hebû ku hindik mabû bikeve nav gel.

Ajansa Mezotopamyayê (MA) agahiyên nû belav kirin.

Bûyer wisa çêbû: Li Dêrika Mêrdînê 20'ê mehê TIR'a aîdê Fabrîkeya Etî Bakir a Cengîz Holdîngê ku gubre bar kirî bû qeza kir. Di dema gel baz da cihê qezayê, TIR'ek din ku had îdîakirin tekerên wê teqiya ne ket nava gel. Bi vê re karesata mezin çêbû û heta niha 21 kes mirin ku gelek jî birîndar hene. Şahidên bûyerê îdîa kirin ku TIR'eke din jî, yanê TIR'a sêyemîn jî hebû ku lastîkên wê jî teqiyayî, di kêliya dawî de hatiye rawestandin. Wezîrê Karên Hundir ê Tirkiyeyê Suleyman Soylu gotibû ku "Hebûna TIR'a sêyemîn ne rast e. Hebûna tira sêyemîn û gule bera wê dena û bi vî awayî rawestandine, ev hemû derveyî rastiyê ne." Lê MA'yê îro (22'yê mehê) wêneyê TIR'a sêyemîn ku hatiye rawestandin weşand û got "TIR'a sêyemîn li cihê ketina Dêrikê li ser rê rawestandiye û tije gubre ye. Ji xêzên rêya aswaltê diyar e TIR bi zorê hatiye rawestandin, hat dîtin ku lastîkek wê teqiyayî ye. Ligel vê lastîkên din ên tirê gelek eciqîne, lastîkek wê jî qetiya ye."