Diyarname

Tê zanîn bi navê Koreya Başûr û Koreya Bakur du heb Kore hene. Û heta niha di navbera herduyan de lihevkirineke nû tune bû. Niha hin gavên nû têne avêtin. Herî dawî Koreya Başûr biryar da ku qedexeya li ser televîzyonên Koreya Bakur rake.

Ev bi dehan salan e li Koreya Başûr qedexe li ser rojname, televîzyon û beşên din ên çapemeniya Koreya Bakur heye. Niha Koreya Başûr plan dike ku vê qedexeyê ji holê rake.

Wezareta Ragihandinê ya Koreya Başûr raporeke pêşkêşî Serokdewletê Koreya Başûr Yoon Suk Yeol kir û di raporê de hat gotin ku ji bo nasnameya yek koreyî bê sazkirin, di pêşerojê de îhtîmala yekbûna Koreyê saz bibe gav bi gav rê li ber weşanên Koreya Bakur vebe.

Rayedar dibêjin bo Koreya Bakur jî gavên wisa biavêje ew dikin ku vê yekê teşwîq bikin.

Di navbera hemwelatiyên her du parçeyan de têkilî, dan û standin, e-mail an name şandin qedexe ye.

Her du parçe rê nadin hemwelatiyên wan li çapemeniya aliyê din temaşe bikin.