Diyarname

Siyasetmedar, lêkolîner û nivîskar Tarhan Erdem îro li Bodrumê li nexweşxaneyê mir. Erdem 89 salî bû.

Tarhan Erdem di sala 1933’yan de li Bartinna Tirkiyeyê hatibû dinê. Di sala 1959’an de ji Fakulteya Endazyariya Avahîsaziyê ya ÎTU’yê mezûn bûbû. Erdem di sala 1977’an de ji Stenbolê li ser navê CHP’ê bûbû mebûs. Di navbera salên 1999-2000’î de dîsa ketibû nava siyasetê û karê Sekreteriya Giştî ya CHP’ê jî girtibû ser milên xwe

Erdem piştî li gelek saziyên taybet xebitî bû di sala 1987’an de kompaniya Şêwirmendî û Lêkolînê KONDA ava kiribû. Erdem ku di rojnameyên Milliyet û Radîkalê de qunciknivîskarî kiribû, ji bo raya giştî her fikrên xwe dianîn ziman. Wî di jiyana xwe de çend pirtûk jî nivîsandibûn.

Erdem ku li Bodruma Muglayê li nexweşxaneyê dihat dermankirin, îro mir. Cenazeyê wî dê bibin Stenbolê û li wir defin bikin.