Diyarname

Li ser nifûsê agahiyên nû yên li ser sala 2021'ê hatin belavkirin. Dêrsim bajarê ku herî hindik mirov lê dijî ye.

TUÎK'ê (Saziya Îstatîstîkan a Tirkiyeyê) li ser tomarkirina navnîşana mirovan hejmara kesên li Tirkiyeyê dijî eşkere kir. Li gor vê li temamê Tirkiyeyê 84 mîlyon û 680 hezar û 273 kes dijîn. Di sala 2020'î de di hezarî de 5,5 mirov zêde bûne, lê di sala 2021'ê de di hezarî de 12,7 kes zêde bûne. Di nav îstatîstîkan de bajarên kurdan jî hene.

Va ne hin agahiyên ji vê îstatîstîkê:

- Nisûfa 2021: 84 mîlyon û 680 hezar û 273 kes

- Sedî 50,1 mêr, sedî 49,9 jin derketine. Wekî reqem: 42 mîlyon û 428 hezar û 101 kes mêr, 42 mîlyon û 252 hezar û 172 jin derketine.

JIYANA NAVENDÊ

- Sala 2020'î de sedî 93 kes li bajar û navçeyan dijiyan, 2021'ê de ev derketiye 93,2.

- Nifûsa Stenbolê li gor pêrar 378 hezar û 448 kes zêde bûye û derketiye 15 mîlyon û 840 hezar û 900 kesî. Piştî Stebolê bajarên wekî Enqerey, Îzmîr, Bursa û Antalya tên.

BAJARÊN KURDAN

- Ji bajaran Dêrsim bajarê herî hindik mirov lê dijî ye. Nifûsa wir wekî 83 hezar û 645 kes hat hesabkirin. Piştî Dêrsimê bajarê Bayburtê tê û di rêza sêyem de Erdexan heye ku nifûsa wê 145 hezar û 826 kes e.

Ji bajarên kurdan bajarê herî qelebalix Riha ye: 2.143.020. Dûre  bi 2.130.432 kesî Entab tê. Amed di rêza sêyem^ni de tê: 1.791.373 kes.

Nivîsa bajarên din ên kurdan bi vî rengî ye: 

- Agirî: 524.644

- Amed: 1.791.373

- Batman: 626.319

- Bedlîs: 352.277

- Culemêrg: 278.218

- Çewlig: 283,112

- Elezîz: 588.088

- Entab: 2.130.432

- Erzîncan: 237.351

- Erzerom: 756.893

- Îdir: 203.159

- Meletî: 808.692

- Mêrdîn: 862.757

- Mûş: 405.228

- Qers: 281.077

- Riha: 2.143.020

- Şirnex: 546.589

- Wan: 1.141.015

BIYANIYÊN TIRKIYEYÊ

- Hejmara biyaniyên ku li Tirkiyeyê rûdinin jî zêde bûye. Ew wekî mîlyonek û 792 hezar û 36 kes hatin jimartin. Li gor sala 2020'î 458 hezar û 626 kes zêde bûne.