Diyarname
Lîga Fûtbolê ya Almanyayê Bundesliga piştî navbera vîrusa koronayê carek din dest pê kir û didome.
Di maça 16'ê mehê de lîderê lîgê Bayern Munih (BM) li Werder Bremenê bû mêvan û bi 1-0 bi ser ket. Bi vê yekê re pûanên xwe derxistin 76'an. Borissia Dortmund ku di rêza duyemîn de xwedî 66 pûanan de navber bû 10 pûan. Dortmund îro maça xwe bi dest bixe jî dîsa 7 pûan di navberê de dimînin û 2 hefte mane lîg bi dawî bibe. Bi vî awayî Bayern Munih şampiyoniya xwe ragihand.
Di maça duh a Bremen û Munihê de di deqîqeya 43'yan de Lewandowski li ser navê tîma xwe gol avêt û rêya şampiyonê ragihand.
Bu 30 caran
Bayern Munih bi vê yekê re di Bundesligayê de bû 8 caran ser hev de û bi temamî bû 30 caran dibe şampiyon.
BM hefteya borî di Kûpaya Almanyayê de derketibû fînalê. Di maça fînalê de Bayern Munih û Bayer Leverkusen dê ji bo kûpayê 4'ê tîrmehê bên hemberî hev.