Diyarname
Fenerbahçe li hemberî Benficayê bi ser neket lê dîsa jî hem di warê xwe de hem li Tirkiyeyê gelek rekor şikandin.

Di Kûpaya Ewropayê de Fenerbahçeyê tîma Benfica ya ji Portekîzê li mala xwe 1-0 têk bir ku 38 hefte bû Benfica têk nediçû. Lê di maça duyem de Fenerbahçe bi 3-1 têk çû û xatir ji kûpayê xwest. Digel vê jî Fenerbahçeyê li Tirkiyeyê îsal gelek rekor şikandin. Vane ew rekor:

- Fenerbahçe di dîroka xwe de yekemîn car di Kûpaya Ewropayê de nîv fînal lîst.
- Fenerbahçeyê îsal li qada Ewropayê 18 maç lîst. Heta niha tu tîmeke Tirkiyeyê 18 maç nelîstibû. Galatasaray di salekê de di qada Ewropayê de 17 maç lîstibû û Fenerbahçeyê ev rekora Galatasaray şikand.
- Teknîk Dîrektorê Galatasaray di salekê de wekî teknîk dîrektor di 17 maçan de derketibû sehayê, Aykut Kocaman bi 18 maçan rekora Terîm ji dest girt
- Hem Ewropayê, hem lîg û kûpaya Tirkiyeyê, bi giştî Fenerbahçe heta niha 59 maçên fermî lîstine, dê hê 3 maçên lîgê, maçeke kûpayê (nîv fînal), ger derkeve fînalê jî dê maçeke din jî bilîze. Ku ev yek dikin 64 maç ku ev yek dîsa rekorek e.
- Ji lîstikvanan Cristian Baroni îsal bi giştî di 55 maçan de di nav 11 lîstikvanan de derket sehayê û wî rekora Hakan Şukur ku 54 maç bû bi dest xist. Ger maçên ku mane de jî Baroni bilîze dê rekora xwe pêşdetir bibe.