Amed
Lîstika Şanoya Duhokê "Xewna Seydayê Hêja" li Amedê hat lîstin û temaşevanan eleqeyeke mezin nîşanî lîstikê da.

Koma Şanoyê ya Duhokê bi hevkariya Şaredariya Sûrê hat Amedê û li Şanogeha Bajarê Mezin a Amedê derket pêşberî temaşevanan. Lîstika ku rojên 18 û 19'ê mehê li Amedê derket ser dikê şanohezan eleqeyeke mezin nîşanî lîstikê da.

Wekîlê Şaredarê Sûrê Riza Çiçekli ji bo sipasiyê plaketek da derhênerê lîstikê Ziyad Abîd Selîm ku ew di heman demê de Serokê Sendîkaya Hunermendên Kurdistanê ye.
Çiçekli got ku wan di navbera Sûr û Duhokê de pira biratiyê saz kiriye, di vê çarçoveyê de Şanoya Duhokê hatiye vê derê, di rojên pêş me de Şanoya Hunerê şa Şaredariya Sûrê û lîstikvanên Sûr Belediyesporê jî dê herin Duhokê, çalakiyan li dar bixin.

Ziyad Abîd Selîm jî got ku ji ber eleqeyê ew gelek kêfxweş bûne, armanca me ew e ku em têkiliyên hunerî xurtir bikin.

***

Nûçeya eleqedar:

- Şanoya Duhokê li Amedê derdikeve ser dikê