Diyarname
60 sal berê Almanya û Tirkiye "Peymana Kar" ligel hev îmze kir û ji Tirkiyeyê bi hezaran kes wekî karker çûn Almanyayê. Di nav wan de kurd jî hebûn.
Ji bo 60'emîn salvegera îmzekirina peymana kar a Almanya-Tirkiyeyê îro Serokomarê Almanyayê Frank-Walter Steinmeier hin tirk kirin mêvan û sipasiya wan kir.
Peyman roja 30'yê kewçera 1961'ê hatibû îmzekirin. Serokomarê Almanyayê Frank-Walter Steinmeier ji bo salvegera vê civîn li dar xist û sipasiya ew kesên ku wê çaxê çûne Almanyayê kir.
Steinmeier diyar kir ku ew ê wê çaxê wekî "Karkerên mêvan" hatibûn niha ew ligel wan hemû bi hev re "Bûne Almanya." Serokomarê Almanyayê Steinmeier wisa got: "Bêyî wan êdî Almanyayeke tune ye. Koçber, zarokên wan, neviyên wan êdî li fabrîqeyan, tesîsên lêkolînê dixebitin. Ew êdî hunermend in, muzîkar in, ew derziyan pêş dixin, dadger û dozger, endamên parlemenê, muşteşar û wezîr in."
KURDÊN PÊŞÎN
Bi wê peymanê de ji Cizîrê jî hin kurd wekî karker diçin Almanyayê. Hevalê me Zekî Ozmen bi navê "Rêya ji Hoser heta Almanyayê" belgefîlmekî li ser ew kurdên pêşî çûn Almanyayê çêkiribû. Di belgefîlm de agahiyên berfireh li ser kurdên wê demê çûn Almanyayê hatin pêşkêş kirin.
Ji bo yên bixwazin li belgefîlm temaşe bikin, kerem bikin:
"Rêya ji Hoser heta Almanyayê"