Diyarname

Hunermend Aynur Dogan ji Pêşangeha Muzîkê ya Navneteweyî WOMEX 2021'ê Xelata Hunermenda Salê girt.

Hunermend Dogan ji ser hesabê xwe yê Twitterê re wisa agahî da: "Yek ji gavên herî girîng ên rêwîtiya min a muzîkê dîsa di sala 2006an de bi WOME-ê dest pê kir.  WOMEX, mezintirîn pêşangeha navneteweyî ya muzîkê ye, ez hêjayî xelata hunermendiyê ya 2021-an dîtim, ez bi vê gelek şanaz im! Min xwest ku ez vê bextewariya xwe bi we re parve bikim."

Hunermend Aynur Dogan bi muzîka xwe ya bi kurdî  û bi dengê xwe li dinyayê hatiye nasîn. Wê herî dawî albuma xwe "Hedûr" pêşkêşî muzîkhezan kiribû.