Diyarname
Li Parîsa Fransayê li ser HÇ'yê (Hişê Çêkirî) civîneke mezin li dar ket. Rêberên dinyayê, yên vî karî dikin hatin ba hev. Qala mîlyar dolaran a razemeniyê tê kirin.
Va ne agahî:
- Serokomarê Fransayê Emmanuel Macron û Serokwezîrê Hindistanê Narendra Modi mazûvanî bo civînê kirin. Cîvîn duşemê dest pê kir û wê du rojan bidome.
- Di civînê de di serî de Google, Microsoft û OpenAI kompaniyên bi vî karî re eleqedar amade ne.

RAYEDARÊN 100 WELATAN LI WIR IN
- Ji nêzî 100 welatan rêberên welatan, rayedarên hikumetan û berpirsên kompaniyan li civînê amade ne.
- Ji rêveberên dinyayê ên beşdar bûn hin jê ev in: Seroka Komîsyona Ewropayê Ursula von der Leyen, Şansolyeyê Almanyayê Olaf Scholz, Serokwezîrê Kanadayê Justin Trudeau, Cîgerê Serokdewletê DYA'yê JD Vance...
- Macron rojek berî civînê ji bo kanala France 2 gotibû, "Ev teknolojiyeke pir kêm tê dîtin e û em di nav şoreşa zanistê ne."

HEWLA "CURRENT AI"
- Di hevdîtinê de hewldana "Current AI" dê bidin dest pê kirin ku dixwazin ev yek ji bo xizmeta raya giştî be; Butçeya vê jî 387 mîlyon Euro ye. Li gor Macon bi vê yekê di nav 5 salan de wê 2,5 mîlyar dolar razenemî çêbibe.

MACRON: EM 109 MÎLYAR EURO RADIZÎNIN
- Macron got, "Ewropa, Fransa dê bilezîne. Emê di vê civînê de eşkere bikin ku wekî Fransa, emê di nav çend salan de 109 mîlyar Euroyî razînin."
- Macron gotiye ku Hişê Çêkirî di pergala tenduristiyê de dê gelek bi fêde be, di nêrîna li mirovan de, karê dubare têne kirin dê bigire ser milên xwe, ji bo qelîteya jiyana mirovan û xizmetê dê bê bikaranîn.
Wekî notek: Di dema ku Çînê "DeepSeek" xistiye piyaseyê û bi vê bandor li ChatGPT kiriye, ev civîn li dar dikeve.

Ligel Hişê Çêkirî du hevpeyvîn:
- Ligel Hişê Çêkirî Claude me bi kurdî hevpeyvînek çêkir

- Li ser wêjeya kurdî pirsên çawa ji Hişê Çêkirî têne kirin?