Diyarname

Vê hefteyê 8 fîlm ketin vîzyonê ji van didu anîmasyon in. Tenê fîlmekî ji Tirkiyeyê ye. Ji fîlman em "Another Round" û "Collective" derdixin pêş.

COLLECTIVE

"Collective" belgefîlmê derhêner Aleksander Nanau ye. Catalin Tolontan, Mirela Neag, Camelia Roiu û Tedy Ursuleanu têde dilîzin. Belgefîlm li ser skandaleke mezin a tenduristiyê ye ku li Romanyayê derketibû holê. Belgefîlm bi vê nîşan dide ku hikumetê û xwediyê sermayeyê çawa jiyana mirovan xistine talûkeyê. Belgefîlm li Bukreşê di sala 2015'an de bi şewata li klûba şevê Collectivê derket dest pê dike. Ligel ku gelek kesê bi şewatê ketine birînên wan ne giran in jî dimirin. Belgefîlm dikeve dû çimaya vê pirsê û di dawiyê de rastî bersivê ku mirovan şaşwaz dike tê.

Belgefîmê Herî Serketî yê Ewropa girt. Dîsa li festîvala Sofya, Zurihê û li gelek festîvalên din xelat girt.

"ANOTHER ROUND"

"Another Round" fîlmê derhêner Thomas Vinterberg e ku bi navê "Korkutuk" wergerandine tirkî.

Çar mamosteyên me hene. Hin jê li nav mal xwedî têkiliya nebaş in, yek jê hê li ber êşa jina xwe ya ku dest ji wî berdaye çûye ye. Zêde armanceke wan nemaye. Dest bi ceribandineke dikin: Teorî ev e, hê zêdetir alkolê vexwin dê hê zêdetir dilşad û sosyal bibin yan na? Bi vê re doza alkola ku vedixwarin zêde dikin. Bi vê re dilşad dibin, serketina wan dertê pêş, lê her ku doza alkolê zêdetir dikin rewş tevlihev dibe.

Fîlmê ku li Cannesê hatibû nîşandayîn, îsal di çarçoveya Festîvala Fîlman a Navneteweyî ya Stenbolê de jî hat nîşandayîn di qada navneteweyî de gelek deng veda. Xelata Oscarê, Xelata BAFTA, Xelata Eropa, Xelata Globa Zêrîn jî di nav de heta niha gelek xelat girtine.

Di fîlmê derhêner Thomas Vinterberg de lîstikvan Mads Mikkelsen performanseke mukemel nîşan dide. Her wiha Thomas Bo Larsen, Magnus Millang, Lars Ranthe, Maria Bonnevie, Helene Reingaard Neumann têde dilîzin.

Vane hemû fîlmên vê hefteyê:

- Spiral: From the Book of Saw / Derhêner Lynn Bousman

- Another Round / Derhêner Thomas Vinterberg

- Reminiscence / Derhêner Lisa Joy

- Collective / Derhêner Aleksander Nanau

- Gunpowder Milkshake / Derhêner Navot Papushado

- Demon Slayer – Kimetsu No Yaiba – The Movie / Derhêner Haruo Sotozaki / Anîmasyon

- Paw Patrol: The Movie / Derhêner Cal Brunker / Anîmasyon

- Şeflerin Şeri / Derhêner Ahmet Kapucu