Diyarname
Wayîrê klîbey Manchester City Şêx Mansour o. Şêxî enka qeybî temaşevananê tîmê Manchester City (MC) fekê kîsê perey kerd a. Şêxî vat ke temaşevanê MC ke şorê qey temaşekerdinê maçey fînalê Lîgey Şampiyonan go heqê şiyayiş û amiyayişê înan ew bi xo bido.
Maçey Lîgey Şampiyonan a Ewropa rocê 29'ê ene aşme de Porto de yena kaykerdişî. Maçe de go temaşevanî zî bibê. Geroy biryarê UEFA ra maçe de go tenî 6 hezar temaşevanê MC, 6 hezar temaşevanê Chelsea bibê. Kapasîtey Stadê Dragao cay 50 hezar tenî esto, la semerê pandemî tay merdiman gênê stad.
Wayirê Klûbey MC'î Şêx Mansour vat ke ê biwazê şorê Porto go heqê înan ew bido.
Şêx Mansourî serê mesela da ana vato: "Pep Guardiola û tîmî serdemêke baş derbas kerd. Dima serdemêke zehmet klûba di tarîxey xo de rey joyînan şî fînalê Lîgê Şampiyonan. Qeybî ene joy heta mimkûn bo ma ene roca muhîme bikerê rocey firsetî."