Diyarname

Arti TV ku ev demek e ji bo destpêkirinê xebat dihat kirin bi resepsiyonek ku li Kolnê li dar ket dest bi weşanê kir.

Arti TV ji ser Hotbirdê re weşanê dike ji ser înternetê re jî kesên bixwazin dikarin lê temaşe bikin.

Frekansa kanalê ev e: Hotbird, 13 derece rojhilat, Frekans 11054, Polarîzasyon Horîzontal - H (qêrqaş), Symbolrate 27500

Kanal bi diruşma "Ji bo çapemeniya azad û serbixwe, Tirkiyeyek demokratîk, ji tiştên hûn dizanin jê zêdetir" dest bi weşanê dike.

Kanalê roja 28'ê reşemî ji ser Hotbirdê re dest bi testê kir û roja 17'ê mehê dest bi weşana normal kir. Gerînendetiya weşanê yê kanalê Celal Başlangiç dike. Di şevê de Başlangiç axivî û got: "AKP'ê çapemeniya navendî têk biriye û her kes li taxa xwe weşanê dike, her kes bi taxa xwe bi sînor e. Armanca me ew e ku em sîwanek mezin vekin. Ji bo vê yekê em ketin rê. Mislimanên antî kapîtalîst, mihafizekar, sosyalîst, komunîst, elewî, kurd, ermenî, bi kurtahî emê bibin dengê hemû derdarên têne çewsandin. Tekane hevpariya me demokrasî û aştî ye. Tekane tiştê em dij derdikevin nijadperestî ye."

Navnîşana înternetê ya kanalê ev e: www.artitv.tv