Diyarname
Bi beşdariya gelek rojnamegerên ku ji nêz ve rewşa Kobanî dişopînin gotûbêjeke bi navê "Em li ser Kobanî diaxivin" li dar dikeve.
Ev meheke zêdetir e li Kobanî berxwedana YPG, YPG û gelê Kobanî ya li hemberî çeteyên DAIŞ'ê didome. Heta niha li ser vê yekê hin panel û gotûbêj li dar ketin, niha yeka din tê lidar xistin. Gotûbêja vê carê bi sernavê "Em li ser Kobanî diaxivin" li dar dikeve ku ji aliyê Komeleya 78'an ve li Stenbolê tê lidarxistin.
Di gotûbêjê de rojnamegerên wekî Ceyda Karan, Celal Başlangiç, Celalettin Can, Fehim Taştekin, Mete Çubukçu ku çûn Kobanî û vegeriyan dê biaxivin û di heman demê de çavdêriyên xwe bînin ziman.
Her wiha rojnameger Ragip Duran dê rewşa çapemenî ya li hemberî Kobanî, Berpirsa Têkiliyên Derve ya Komîsyona Piştigiya Rojava Mazhar Zumrut jî dê li ser van meseleyan biaxivin.
Li gor agahiyên ku Hewldana 78'an da dê Hevserokê Kantona Kobanî Enver Muslim jî li ser Kobanî agahiyan bide beşdaran. Dîsa kurtebelgefîlmekî yê Veysi Altay ya li ser Kobanî û fotoyên ku wî li Kobanî kişandine jî dê j bo beşdaran bêne pêşkêşkirin.
Çalakî roja 21'ê vê mehê saet 18.30 de wê li Cezayîn Restorant a li Galataya Stenbolê li dar bikeve.