Diyarname

Avakarê teknolojiya mezin Microsoftê Bill Gates ji serê serî de li ser pandemiyê diaxive û "texmîn"ên wî dertên. Gates vê carê li ser pirsa "Kengê dê pandemî bi dawî bibe?" sekinî. Gates got di sala 2021'ê de rewşa normal nayê.

Li gor gotina Gates di dawiya sala 2021'ê de pandemî xilas nabe lê di dawiya sala 2022'yan de dê rewşa normal çêbibe.

Bill Gates û jina wî Melinda Gates Weqfa Gates vekiribû ku vê weqfê ji bo di xebata dijî Covid-19'ê de bê bikaranîn mîlyon dolar pere diyarî kiribûn.

Vîrusa Covid-19 di dawiya 2019'an de derket, heta niha li dor 150 mîlyon kes bi vê nexweşiyê ketine, li do 3,1 mîlyon kes ji ber vê mirine. Hê jî li dinyayê rojane dor 12 hezar kesî ji ber vê vîrusê dimirin.

Li dinyayê heta niha do mîlyarek doz derzî li însanan hatiye xistin, gelek kes du doz li wan hatiye xistin. Dema mirov 7 mîlyar  kesên li dinyayê dijîn bide ber çavan, hê jî di derzîkirinê de gavek divê nehatine avêtin.