Diyarname

PEN'a Tirk ku li ser navê Guydu Asena bi navê "Xelata PEN'ê ya Duygu Asena" dide jinek, îsal Prof. Dr. Ayşe Bugra hêjayî vê xelatê hat dîtin.

PEN'a Tirk di daxuyaniya li ser vê mijarê de wisa gotiye, "Komeleya Nivîskaran PEN her du xelatan dide. Ji wan yek li ser navê Duygu ASena dide ku ew ji pêşengehên tevgera jinan bû û yek ji pênûsên pejinkar bû ku di temeneke ciwan de me winda kir. A din jî xelata helbestê ye. Xelata PEN'ê ya Duygu Asena a Sala 2021'ê em pêşkêşî Prof. Dr. Ayşe Bugra dikin. Ew, bi hebûna xwe, bi pirtûkên xwe, bi helwesta xwe, bi nasnameya xwe ya perwerdekar û wekî zanyarek mînakek e. Prof. Dr. Ayşe Bugra di sala 2015'an de Xelata Zanista Civakî ya Akademiya Zanistan a Dinyayê girtiye û bi vê li qada navneteweyî zanyara me ye."

PEN'ê gotiye di roja me de her roja derbas dibe naveroka zaningehan tê valakirin, pergala perwerdehiya welatê me ji nirxên hemdem û gerdûnî dûr dikeve, di her warî de serbixwebûna akademîz dikeve bin çewsandin û tehdîdê. PEN'ê gotiye di rewşek wisa de Bugra li hemberî hemû zehmetiyan ji bo xwendekarên xwe xebitiye û ders daye wan û ev yek lê zêde kiriye, "Li hemberî hemû zordariyan Ayşe Bugra gotiye 'Ez ji bo bo welatê xwe xemgîn bûn' û bi vê yekê aramî û dilnizmiya xwe xira nekiriye, dersa mirovahî, wijdan û terbiyeyê daye."

Prof. Dr. Ayşe Bugra kî ye?

Prof. Dr. Ayşe Bugra di sala 1951'ê de li Stenbolê hatiye dinê. Li Zanîngeha Bogozîçî ya Stenbola Tirkiyeyê di beşa Enstîtuya Dîroka Inkilabê û Rêgezên Ataturk de hîndekar e. EW yek ji avakarên Navenda HEmdem a Foruman Polîtîyanên Sosyal a Zanîngeha Bogazîçî ye.

Wê piştî xwendina xwe ya li Koleja Robertê, di navbera salên 1970-73'yan de li Zanîngeha Bogazîçî xwendiye. Hîndekariya xwe ya bilind li Zanîngeha Laval a Kanadayê temam kiriye û li heman zanîngehê lîsansa bilint (1976) temam kiriye. Dûre di sala 1983'yan de li Beşa Aborî ya Zanîngeha McGill pîleya doktorayê girtiye.

Bugra piştî li Zanîngeha Stenbolê (1980-1981), Beşa Aborî ya Zanîngeha McGill (1981-1983) û Zanîneha Sherbrooke (1983) xebitiye di sala 1985'an de li Beşa Aborî ya Zanîngeha Bogazîçî dest bi hîndekarî kiriye. Di sala 1988'an de ligel karsaz Osman Kavala zewiciye. Di van demên dawî de piştî hikumetê bêyî hilbijartinê rektor şand ser Zanîngeha Bogazîçî û hîndekar û xwendekar dij derketin, Bugra jî dij derket. Ji ber vê yekê rastî êrîşên hikumetê hat.

Prof. Dr. Ayşe Bugra heta niha gelek xelat girtine. Her wiha ji aliyê pirtûkan de jî heta niha bi ser dehan re pirtûk nivîsandine û weşandine. Herî dawî di sala 2015'an de bi navê "Li Tirkiyeyê Kapîtalîzma Nû: Siyaset, Ol û Cîhana Kar" pirtûkek weşand.