Diyarname

Fonê Hebûne ya Norwecî dinya de fono tewr pîlo û enka înan eşkere kerd ke di çarîkê hîrinan ê emsarî de fonê înan 44.31 mîlyar dolar biyo zêde û resawo 1.16 trîlyon dolarî.

Eno fon di serey 1996'inan de hamey viraştişî û di fonî de hîseyê 9 hezar û 200 kompaniyanê dinya esto. Eno jî keno seda 1.5 hîseyê şîrketanê di miyanê heme borsayan de. Fon xeynî borsa hetê gayrîmenkul û tahvîlan de zî razemeniyan virazeno. Hikumetê Norwecî di serey 2017'inan de razemeniya senedanê hîsse zêde kerdbî û vetnî heta sera 70. Hikumet perey ke fon ra yenê tenî seda 4'ê cê eşkeno bişixulno û sera 96'ê cê jî dano pêser. Eno jî yenê ê maneyî ke qeybî her hemwelatî Norwecî 217 hezar d olar.

Fonê hebûne çi yo?

Fonê hebûne yeno a manî ke welatî, pere yan jî hebûney xo ya bîne (zey petrol, maden) ke di destê înan de (butçey xo ra zêdeyêrî çi bibo) ya xerc nêkeno, la qeybî seranê vernî xo, nifşê vernî xo dano pêser.