Diyarname

Vê êarê bi fuzeyê êrîşê bajarê Hewlêrê kirin. Di encamê de 3 kes birîndar bûne. Kes nizane kî bi fuzeyan êrîş kiriye. Hinek çavkanî radigihînin ku Heşdî Şabî bi fuzeyan êrîş kirine. Berdevkê Hevpeymanê Marotto dibêje kesek miriye, 5 birîndar hene, yek jî amerîkî ye.

Li gor agahiyên dawî êvara 15'ê mehê saet li dor 20.30 bi fuzeyan êrîşê Hewlêrê kirine. Ji 8 guleyên fuzeyê ku avêtine hin li Balafirxaneya Navnetewî ya Hewlêr, Qada Ajelan, Taxa Bextiyarî û derdora Naz Cityê ketine. 3 birîndar hene (Qala zêdetir birîndaran jî tê kirin). Yek jê bi giranî birîndar e. 

Wezareta Navxweyî ji gel re dibêje bila îşev ji malên xwe dernekevin. Piştî bûyerê çûn û hatinên li balafirgehê hatin rawestandin.

KESEK MIRIYE, AMERÎKIYEK  BIRÎNDAR E

Li aliyê din Berdevkê Hevpeymaniya Hêzên Navneteweyî ya li Dijî DAIŞ'ê Wayne Marotto ji ser twittirê re peyamek belav kir û got: "Di êrîşa Hewlêrê de kesek sivîl miriye û 5 sivîl û amerîkiyek jî birîndar bûne."

'LÊKOLÎN DIDOMIN'

Serokwezîrê Herêma Kurdistana Federe Mesrûr Barzanî ji ser hesabê xwe yê Twitterê peyamek belav kir. Barzanî di peyamê de bûyer şermezar kir û got: “Ez ji kurdistaniyan daxwaz dikim ku aram bin. Hêzên me yên ewlehiyê dest bi lêkolînên berfireh kirine. Ez ligel Serokwezîrê Iraqê Mistefa Kazimî jî di pêwendiyê de me ji bo hemahengiya pêwîst bo dîtina encamderên vê kiryara terorîstî.”