Diyarname

Serokê Koma Meclisê ya BDP'ê Selahattin Demirtaş bang li ciwanan kir û got: "Hevalên min ên ciwan miheqeq divê hûn zimanê xwe yê zikmakî hîn bibin."

Demirtaş ku di 2'yemîn Kongreya BDP'ê de dîsa ji bo Hevserokatî wekî berendam hat nîşandayîn,  bi bîranîna mebûsê DEP'ê Mehmet Sincar, endamê Meclisa Giştî yê Wanê Yildirim Ayhan (ku çend roj berê hat kuştin), mebûsê BDP'ê yê berê Nûrî Yaman (ku demek berê wefat kir) dest bi axaftina xwe kir.

Demirtaş bal kişand ser gelek xalên balkêş vaye ji axaftina Demirtaş hin not:

- Modela me ya rêveberî û avakirina civakê ku me navê Xweseriya Demokratîk lê kiriye her derê ku em xwe bigihînin emê li wê derê ava bikin.

- Ciwanên meclisa BDP'ê ku hûn bi rêxistina xwe mînak in, hûn mecbûr in jiyaneke alternatîf ava bikin. Hevalên min ên ciwan, divê hûn miheqeq zimanê xwe yê zikmakî hîn bibin. Pêre zimanên biyanî jî hîn bibin.

- Em Ergenekoniyên berê nas dikin, em yên nû jî nas dikin. Ergenekoniyên nû tiştên ku yên kevn nikaribûn bi ser bixin niha didomînin. Li hemberî Ergenekoniyên nû jî emê ber xwe bidin.

- Li nav sînorên Tirkiyeyê em dixwazin bi ziman û çanda xwe, bi awayeke xweser bijîn.

- Divê hikumet di cih de operasyonan bide sekinandin û PKK jî çalakiyên xwe bide rawestandin.

- Em wekî BDP ji bo rawestandina şîdetê emê ber xwe bidin. Ger hinek ji vê yekê çokdanîna ber AKP'ê fêm dikin em dibêjin emê tu demê çok daneynin.

- A rast tiştên ku Kenan Evren û hevalen wî di salên 1980'yîde nekarîn bikin, di van salên 2000'an de hikumetên AKP'ê niha dikin temam bikin.

- AKP û alîgirên wê hemû muxalefetê wekî hevkarên Ergenekonê bi nav dikin. Em careke din eşkere dikin ku em wê Ergenekonê baş nas dikin, ew qatilên me ne.  Ergenekonên berê tiştên ku nekarîn bikin, Ergenekona nû dixwaze bîne cih. Em eşkere dibêjin bi şer û şîdet nikarin tiştek bikin. Sed sal bidome jî dîsa dê çareserî bi siyasetê bê, gelê kurd dê miheqeq bigihîje armanca xwe. Di vî warî de hevdîtinên bi  Ocalan re ku qut bûne divê careke din bêne dest pê kirin.

- Operasyonên li derveyî sînor ku 50 caran hatine kirin û tu encam nedane, em her gav li dijî wan derketine emê careke din jî li dij derkevin. Em dibêjin ku operasyonên ku Îran û Tirkiye amade dike kêmîn in û Tirkiye bikeve nava vê kêmînê dê bikeve nava şereke herêmî.

Agahiyên din gavek din....

--

Nûçeyên eleqedar

- Kongreya BDP'ê 2: Di kongreyê de kurdî li pêş

- Kongreya BDP'ê dest pê kir - 1