Diyarname

Vê serê sibê nivîskar Roza Metîn û Mehmet Sait Arzu jî di nav de li dor 100 kesî hatin binçavkirin.

Vê serê sibê li Amedê polîsan bi ser gelek malan de girt. Bi dehan parêzer hatin binçavkirin. Rêveberên Komeleyên Piştgiriya girtiyan, Goç-der, rêveberên HDP'ê, gelek kes hatin binçavkirin. Hat gotin ku di çarçoveya "Operasyona KCDê (Kongreya Civaka Demokratîk)" de ew hatine binçavkirin.

Di nav kesên hatine binçavkirin de du nivîskarên kurd jî hene: Roza Metîna û Mehmet Sait Arzu.

Roza Metîna kî ye?

Nivîskar Roza Metîna, li Gundê Fitnê yê Dêrika Çiyayê Mazî ya Mêrdînê ji dayik bû. Dibistana seretayî, navîn û ya amadekariyê li Dêrikê qedand. Li Zanîngeha Dîcleyê Beşa Gihaştina Zarokan qedand. Li Zarok Tvyê Bernameya Fêrgeh, li Stêrk Tvyê Bernameya Nûjen pêşkêş kir. Niha li JIN Tvyê Ber-nameya Teşiya Wêjeya pêşkeş dike

Heta niha ev pirtûkên wê derketine::

- Bilindahiyên Xwedanwend (Helbest, Weşanên Tevn, 2014, çapa 2'yan Weşanên J&J, 2019) 

- Hêviyên Dilazad (Helbest, Weşanên J&J, 2015, çapa 2'yan Weşanên J&J, 2019)

- Sêgoşe û Çargoşe (Çîroka Zarokan, Weşanên Hîva, 2017) 

- Tilîya Qereqûçkê (Helbest, Weşanên J&J, 2019, çapa 2'yan Weşanên J&J, 2020)

Mehmet Saît Arzû kî ye?
Nivîskar Mehmet Saît Arzû di sala 1981'ê de li gundê Xirbizilê ya Xana Axpar (Çinar) a Amedê hatiye dinê. Wî li gund û paşê li Xana Axpar dibistan xwendiye û dûre li Zanîngeha Cumhuriyetê Beşa Civaknasiyê xwendiye. Ji ber xebatên xwe demek girtî maye, paşê li Zanîngeha Gaziyê lîsansa bilind kiriye.

Heta niha bi navê "Robozik", "Banga Bêdengiyê" (2019, J&J), "Helebçe" û "Şingal" bi kurdî, "Çokeşli Evlilik" (2019, J&J) û "Bir Daha" (2019, J&J) bi tirkî pirtûkên wî hatine weşandin.

Kesên hatine binçavkirin birine Midûriyeta Emniyeta Amedê.

PEN'a Navneteweyî daxuyanî da

PEN'a Navneteweyî li ser girtina nivîskaran bi ser malpera xwe re daxuyaniyeke nivîskî weşand û metirsiya xwe ya ji bo binçavkirina nivîskaran anî ziman.