Diyarname

Vê hefteyê 3 jê ji Tirkiyeyê, 2 derveyî Tirkiyeyê 5 fîlm derdikevin vîzyonê. Ji wan em "Nasipse Adayiz" derdixin pêş.

Pandemî didome lê pêre jiyan jî didome. Her çiqas ne wekî berê pandemî be jî nîşandayîna fîlman didome. Ji nav 5 fîlmên ku vê hefteyê dikevin vîzyonê em "Nasipse Adayiz" pêşniyar dikin. Ji bo yên ji fîlmên şer hez dikin fîlmê biyanî "Danger Close: The Battle of Long Tan" (Derhêner Kriv Stenders) jî hene ku temaşevanan dibe Wîetnamî.

"Nasîpse Adayiz" fîlmê derhêner Ercan Kesal e. Kesal ku bi lîstikvaniya xwe di gelek fîlman de bal kişandibû ser xwe vê carê hem bi rê ve dibe hem dilîze. Di fîlm de Ercan Kesal, Selin Yeninci, İnanç Konukçu, Muttalip Mujdeci rol girtiye.

Doktor Kemal Guner li Stenbolê ji bo şaredariyeke berendam e. Fîlm çîroka trafî-komîk a rojekî wî pêşkêş dike.

Fîlmê "Nasipse Adayiz" li Festîvala Fîlman a Stenbolê xelata Derhênerê Herî Serketî, Vesazkirina Herî Serketî û Xelata FIPRESCI, li Edeneyê xelata Fîlmê Herî Serketî jî têde 5 xelat girtin û niha yekemîn di vîzyonê de derdikeve pêşberî temaşevanan. Ev yekemîn fîlmê metrajdirêj ê derhêner Ercan Kesal e.

Vane hemû fîlmên vê hefteyê:

- Danger Close: The Battle of Long Tan / Derhêner Kriv Stenders

- Haunt / Derrhêner Scott Beck, Bryan Woods

- Y.Koyu: Ye'cuc Me'cuc / Derhêner Batuhan Gunduz

- Hashtag / Derhêner Başaran Şimşek