Diyarname

Ursula von der Leyen bi xo alman a û enka Seroka Komîsyona Ewropa ya. A semedo demo peyîn de zehf îngilîzî şixulnena hamî rexnekerdin. Rojnamegeranê fransizî semedo a di reqabet de serdestî dana çapemenî îngilîzan rexne kerd.

Beşey Fransizî ya Komeleya Rojnamegeranê Ewropa (AEJ) 23'yê ene aşme de nameyke Leyenê ra şirawit, bal ant serê zimananê tewir tewirî yê Ewropa ke di peymanê awankerdişê Ewropa de estê.

Rojnamegerî serê raporo peyîn ê komîsyonê Ewropa ke bi îngilîzî kerdbî hedre vindertî û di namey xo de vat: "Dima daxuyanî fermî en tay bi 2 saetan peyman qeybî fransizî, almanî û ziwananê bînan niyamebî hedrekerdin. Dima ke roc qediya tenî di rîpelî bi fransizî hame açarnayin. Pîşey rojnamegerî bi leze yeno kerdişî. Wexto ma ana hawnenê mesela ra bêedaletî tiya esta, hempîşeyê ma yê îngilîzî bi avantajê."

Rojnamegeran va ke semedo metin bi îngilîzî yeno hedrekerdin rojnamegerê îngilîz mecbûr nêmanenê açarnê, kopî kenê û kenê vila û ana vat, "Çapemenî fransizî û yê welatanê bînan mecbûr manenê enî metnan açarnê û nirxandin bikerê. Gorey peymaney Ewropa ra reqabeto bêedalet vecêno meydan."

Seroka Komîsyona Ewropa Ursula von der Leyen bi almanî, fransizî û îngilîzî baş zana û semedo enî demanê peyîn de zêdetir bi îngilîzî xeberî dana rastê rexneyan hamî.