Diyarname
Kompaniya dermanan a pîle ya alman Bayer go tazmînatêke pîl bido. Dermanê zerîetî yê Bayerî bi namey "Round'Up" esto. Dewletê Yewbiyîn ê Amerîka (DYA) de cotkaran derheqê Bayerî de dewa kerde a û îdia kerd de di enî dermanê zerîetî Round'Up de madey glîfosat esto. Hame vatişî ke eno made zî beno sebebê qansêrê gunî. Henî merdimanê eno derman şixulnawo nêweş biyê. ê zî miyan de bi hezaran cotkaran dewa kerde a.
Bayerî biryar da ke ê û cotkarê ke dewa kerda a bêrê werê û qeybî ene joy jî go tam 10 mîlyar dolarî tazmînat bido ê cotkaran.
Eno derman hetê kompaniya Monsantro ra yeno rotişî ke ene kompanî kompaniya Bayerî ya. Kompanî eşkera kerd ke heta enka ê û 125 hezar cotkarî hamey werê ke ene reqeme dewrê sera 75'ê înan kena. Di daxuyanî xo de vato ke dewrey 8.8 û 9.6 mîlyar dolarî go tazmînat bido
înan û 1.25 mîlyar dolar jî qeybî deway bînî ke bibê a kerdê hedre.
Monsantro reqîbê Bayerî bî, la Bayerî di Di serey 2018'inan de bi 66 mîlyar dolarî ew girot. Dimara deway bî a.
Eno dermanê Round'Up Tirkiya de zî yeno şixulnayişî. Eno derman bi taybetî di karê narencî, karê rezan, findiq û zeytûnan de yeno şixulnayişî.