Diyarname
Hevgirtina Rewşenbîrên Rojavayê Kurdistanê (HRRK) bi diruşma "Kirasê Bûkê 7 Reng e" kampanyaya xweşikirina dîwarên dibistanan li Qamişlo da dest pê kirin. 

HRRK dixwaze dîwarên dibistanan xweşik bin û ji bo vê yekê kampanyayek daye dest pê kirin. Li gor kampanyayê 20'ê mehê saet 14'an de dê ji navenda HRRK'ê li Qamişlo dest pê bikin û dîwarên dibistanan boyax bikin. 

Li gor kampanyayê wê 200 metre dirêj û 2 metre pan dîwarên dibistanan bêne xemilandin. Ev kampanya wekî piştgiriyek ji bo fêrkirina zimanê kurdî ye ku cara yekê ye li Rojava û li Sûriyê zarokên kurd di dibistanan de zimanê xwe yê dayikê fêr dibin. Niha wekî sembolîk Serokê HRRK'ê Ehmed Huseynî jî di nav de hinan dest bi boyaxkirinê kirin lê kampanya bi awayekî fermî 20'ê mehê dest pê dike.
HRRK bang li her kesî dike ku piştgirî bide vê kampanyayê û kampanya ji bo hemû wênesazan vekiriye.