Diyarname

Serê maske ke qeybî vîrusê korona merdimî şixulnenê lêkolînêke hamî viraştişî. Gorey lêkolîne ra maske eşkena vernî ro vîrusê korona bigîro.

LêkolÎne Almanya de hamiya veriştişî. Zanîngehey Johannes Gutenberg a bajarê Mainzî serê mesela de daxuyanî da û vat ke bazaran, ereban û caw qelebalix de şixulnayişê maske vernî ro vîrusî giroto. Înan lêkolîney xo serê bajarê Jena û ê bînan de viraşta. Almanya de bajarê Jena vernî bajaranê bînan biryar da ke bi mecbûrî her kes maske bişixulno û hamî viraniyişî ke enî bajarî de gorey bajaranê bînan henî tay merdimî bi vîrus kewtê.

Bajarê Jena 6'ê nîsanî de biryar dabî ku her kes mecbûr o maske bido verê fekê xo û bi ene hereketê xo bibî bajaro yewîn de Almanya de enî biryarî dano. Dimay maske ra bajar de tenê bi vîrus kunê tay bî zêde.

Zanyarê bajaranê Almanya Mainz, Darmstadt, Kassel û bajarê Sonderborg ê Danîmarka miyanê lêkolîne de ca girotê. Gorey xeberey DW ra hame eşkere kerdin ke di 20 rocan de bajarê Jena de hûmarey yê bi vîrus kewtê 142 ra veciya 158 tenî. La bajarê ke maske nêkerda mecbûrî hûmarey tenê bi vîrus kewtê 143 ra veciya 205 tenan.

Zanyaran serê rocanê 22 - 27'ê nîsanî de zî lêkolîn kerd û hame vînayişî ke caw maske şoxilnenê eynî encam veciyayo meydan.

Zanîngehey Johannes Gutenberg ra Klaus Walde ana vato: "Bi kilmî ez vacî, enê cayanê maske kerda mecbûrî kerdo ke Covid-19 hêdî raver şoro."