Diyarname
Bi navê 'Di wêjeya kurdî de roman û çîrok' paneleke li dar dikeve û nivîskarên malpera me Çiya Mazî, Rifat Arya û çîroknûs Yaqob Tilermenî beşdarî panelê dibin.

Ev demeke kurdan û saziyên wan xebata "Du zimanî" daye dest pê kirin. Ji bo vê yekê çalakî têne li dar xistin, tabela têne li dar xistin, li bazarê zimanê kurdî her ku diçe fireh dibe. Ji aliyê din ve xebatên çandî ku bi kurdî li dar dikevin jî zêde dibin. Niha xebateke din jî wekî panel li vê xebatê zêde dibe.

Şaredariya Akdenîzê ya Mêrsînê ku di destê BDP'ê de ye çalakiyeke bi navê "Di wêjeya kurdî de roman û çîrok" tê li dar xistin. Çalakî wê 16'ê vê mehê li Salona Konferansê ya Şaredariyê li dar bikeve. Panela ku wê nivîskarê malpera me Rifat Arya moderatoriya wê bike, nivîskarê malpera me Çiya Mazî û Yaqob Tilermenî wê wekî axifger beşdar bibin. Çiya Mazî û Yapob Tilermenî ku wekî çîroknivîskarên kurd hatine nasîn û di vê beşê de berhem pêşkêş kirine ku Tilermenî roman jî nivîsanidine, di vê xebatê de wê li ser çîrok û romana kurdî biaxivin.

Wekî notek: Şaredariya Akdenîzê heta niha bernameyên bi kurdî yên wekî şano, konser, panel organîze kirine. her wiha şaredarî ev demeke dirêj e bi hevakriya NÇM'a (Navenda Çanda Mezopotamyayê) Mêrsînê, hewl dide bi kurdî xizmetê bike û bi vê mebestê li taxan qursên govend, şano, ziman, tembûr û gîtarê dide ciwan û zarokan.