Diyarname

Şanogera navdar li Stenbolê di encama nexweşiya pişikê de wefat kir. Kenter ji ber nexweşiya pişikê ev du sal bû li mala xwe dihat dermankirin. Piştî rewşa wê giran bû rakirin nexweşxaneyeke taybet lê nekarîn wê li jiyanê vegerînin.

Navê wê Ayşe Yildiz bû. Kenter Beşa Bilind a Konservatuara Dewletê ya Enqereyê polek bi ser xwe re derbas kir, paşê 11 salan di Şanoya Dewletê ya Enqereyê de xebitî. Piştî ku bursa "Rockefeller" bi dest xist li  American Theatre Wing, Neighbourhood Play House û Actor’s Studioyê li ser lîstikvanî û perwerdehiya lîstikvaniyê li ser teknîkên nû xebitî. Di vegerê de wekî mamoste li Konservatuara Dewletê ya Enqereyê hat peywirdarkirin.

Di sala 1959'an de ji Şanoya Dewletê veqetiya, salek ligel Muhsin Ertugrul xebitî û dûre ligel birê xwe Muşrif Kenter û mêrê xwe Şukran Gungor "Civaka Lîstikvanên Kentê" ava kir.

Di jiyana xwe de gelek caran wekî Lîstikvana Herî Serketî hat hilbijartin û xelat girt. Wekî lîstikvana sînemayê jî gelek caran xelat girt ku ji van sê caran Xelata Porteqala Zêrîn girt.

Di jiyana xwe de li Yêkîtiya Sovyetê, DYA, Qraliyeta Yekbûyî, Almanya, Hollanda, Danîmarka, Kanada, Yugoslavya û Qibrisê bi îngilîzî û tirkî lîstik pêşkêş kirin.

Wê bi ser sedî re di lîstikan de rol girt ser milên xwe. Wê lîstikên gelek nivîsksarên wekî Shakespeare, Çehov, Brecht, Inoesco, Pinter, Albee, Tennessee Williams, Alan Ayckbourn, Arthur Miller, Brian Freil, Neil Simon, Athol Fugard, Sergey Kokovkin, Melih Cevdet Anday, Necati Cumali, Guner Sumer, Adalet Agaoglu, Zeki Ozturanli, Gungor Dilmen, Muzaffer İzgu derxist ser dikê û pêşkêş kir.

Di warê sînemayê de wê yekem car di sala 1951'ê de di fîlmê "Vatan Îçîn"  de lîstibû, di salên d awî de di "Gule Gule" (1999), "Buyuk Adam Kuçuk Aşk" (2001), "Beyaz Melek" de lîstibû.

Ligel van di sala 2003'yan de bi navê "Hep Aşk Vardi" pirtûkek bîranîna nivîsandibû. Di sala 2015'an de jî Dîkmen Gurun bi navê "Tiyatro Benim Hayatim - Yildiz Kenter'in Hayati" pirtûkek li ser jiyana wê nivîsandibû.

Kenter li nav Tirkiyeyê û li d evreyî Tirkiyeyê hem bi rolên di şanoyê de, hem jî di fîlman de gelek xelat girtin.