Diyarname
Produktorê fîlman, yê ku fîlmên navdar "Lîsteya Schindler" û "Gladyator" jî di nav de gelek fîlm kişandibûn, Branko Lustig ê 87 salî wefat kir.
Produktor Lustig di sala 1932'yan de li Osijek a Hirvatistanê hatibû dinê. Ew bi eslê xwe cihû bû. Di sala 1994'an de ji bo fîlmê "schindler's list" (Lîsteya Schindler) produktorî kiribû û bi vî fîlmî Xelata Oscarê girtibû. Ji nav hirvatan ew yekem kes bû ku ev xelat girti. Paşê di sala 2001'ê de bi fîlmê "Gladyator" cara diduyan xelat girt.
Ji bilî van, ji bo "Peacemaker" (Aştîxwaz), "Hannibal", "Kingdom of Heaven" (Qraliyeta Bihuştê), "Black Hawk Down" (Ketina Şahînê Reş) û "Gangsterên Amerîka" û gelek fîlmên din produktorî kiribû.
Lustigê ku gelek endamên malbatên wî di kampan de mirin, di sala 1988'an de çû DYA'yê û li wir dest bi kişandina fîlman kir. Di sala 2014'an de kovara The Daily Beast lîsteya sazkarên fîlman amadekir ku Lusting jî di nav 50 Sazkarên Hollywoodê yên Herî Serketî de cih girt. Ji sala 2009'an ve wî li Akademiya Hunera Dramê ya Zagrabê ders dida.
Branko Lustig li Zagrebê wefat kir.